ചൊവ്വാഴ്ച, ജനുവരി 31

കുഞ്ഞുണ്ണിയുടെ സങ്കടവും, മമ്മൂട്ടിയുടെ ജാമ്യവും !





സ്കൂളില്‍ പോകുന്ന റിസ്ക്ക് പിടിച്ച പരിപാടിയോട് സലാം പറഞ്ഞ്  നാട്ടിലെ പ്രധാന ടി വി എസ് (തെക്ക് ,വടക്ക് സര്‍വീസ്)ഗ്യാംഗില്‍ മെംബര്‍ഷിപ്പെടുത്ത്  ആത്യാവശ്യം അല്ലറചില്ലറ തക്കിടതരികട പരിപാടികളുമായി മുന്നോട്ടു പോകുമ്പോഴാണ് ഒരു അഭ്യുദയകാംഷി ഉപദേശക റോളിലെത്തി എന്നെ ഗുണദോഷിക്കുന്നത് .

നീ തെക്ക് വടക്ക് തേരാപാര നടന്നാല്‍ പോരാ. സ്കൂളില്‍ പോവലൊക്കെ നിറുത്തിയ സ്ഥിതിക്ക്, ഇനിയെന്തെങ്കിലും ജോലിക്കൊക്കെ പോയി, കുറച്ചു കാശൊക്കെ സംഘെടുപ്പിച്ചു കുടുംബത്തിനൊരത്താണിയാവണം തുടങ്ങി   എന്‍റെ  'ഭാവി ഭൂത വര്‍ത്തമാന' ജീവിതത്തിലെ സംഭവ ബഹുല  ബാഹുല്യങ്ങള്‍ എല്ലാമെടുത്തൊരു  ഉപദേശ നിര്‍ദേശ ഗുണദോഷം ...!!!


ഏതു  പാപ്പരാസിക്കും തന്നെക്കാള്‍ ചെറിയവന്‍റെ മുന്പില്‍ ആളാവാനുള്ള ആയുധമാണല്ലോ ഇത്തരം ഉപദേശ ഗുണദേശങ്ങളുമെന്ന ലോക സത്യം മനസ്സിലാക്കി  വിനയ കുനയ കുഞ്ഞിരാമാനായി ഞാനാ ക്ണാപ്പന്റെ കൊണവതിയാരം  ഇരു കര്‍ണങ്ങളും കൂര്‍പ്പിച്ചു  എന്‍റെ ബോധമണ്ഡലത്തിലേക്ക് ഫീഡ്  ചെയ്തുകൊണ്ട് ചോദിച്ചു.

 ഇക്കാ.... നിങ്ങളെ കയ്യില്‍ ഞമ്മക്ക് പറ്റിയ വല്ല പണിയുമുണ്ടോ..?
 ഇത് കേട്ടതും   ഒളി ക്യാമറ കണ്ട രാഷ്ട്രീയക്കാരനെപ്പോലെ മൂപ്പര് റിവേര്‍സ് ഗിയറിട്ടു.

അങ്ങേരു റിവേയ്സിട്ടെന്ന്  കരുതി ചുമ്മാ ന്യൂട്ടറിടിച്ചു  നില്ക്കാന്‍ സമ്മതിക്കാത്തയെന്‍റെ മാതളനാരങ്ങ പോലെ മനോഹരമായ മനസ്സ്  ഒരുറച്ച തീരുമാനമെടുത്തു.ഇനി നഷ്ടപെടുത്താന്‍ സമയമില്ല.
 നേരെ വെച്ചുപിടിച്ചു  സഹപഠിയന്‍  ആത്മാര്‍ത്ഥ കൂട്ടുകാരന്‍  കുഞ്ഞുണ്ണിയുടെ അടുത്തേക്കെത്തി   ഉള്ളിലുള്ളതൊരു  {മനോഗതം} ഗദ്ഗദത്തിന്റെയകമ്പടിയോടെ കണ്ണീരില്‍ ചാലിച്ച് അവന്‍റെ കാല്‍ക്കല്‍വെച്ച് 'വണങ്ങികിണുങ്ങി'നിന്നതും അരയില്‍ തിരുകിവെച്ച  'സൂപ്പെര്‍സാധു ബീഡി'യെടുത്തുംകൊണ്ടവന്‍ "ഇന്നാ...പി എസ് സി ദേവിയെ മനസ്സില്‍ വിചാരിച്ചൊരു ബിസ്മിയും ചൊല്ലി കത്തിച്ചോന്നുവലിക്ക്"  കൂടെയവനും ഒന്നെടുത്തു ചുണ്ടില്‍ വെച്ച് കത്തിച്ചൊരു പുകവിട്ടതും തലക്കകത്ത് ഐഡിയകള്‍ പൊങ്ങി വരാന്‍ തുടങ്ങി. അതാണീ സാധു ബീഡിയുടെയും ആപ്പിളിന്‍റെയുമൊക്കെ ഒരുഗുണം.!

ലോകത്ത് പല സൈദ്ധാന്തിക' കണ്ടുപിടുത്തത്തിന്‍റെയും  പുറകില്‍ ആപ്പിളാണെങ്കില്‍  ഇന്‍റെ കാളികാവിലും, പരിസര പ്രദേശങ്ങളിലുമുള്ള ഉത്തരം കിട്ടാത്ത ഒരുപാട്  ചോദ്യങ്ങള്‍ക്കുത്തരമാവുന്നത്  എരിഞ്ഞമരുന്ന തെറുപ്പ്'ബീഡികളാണ് ......!!(ഇനി ഇത് വായിച്ചു ആരെങ്കിലും ബീഡി വലിച്ചു മയ്യത്തായാല്‍ കൊമ്പന്‍റെ മുതുകതേക്ക് പാഞ്ഞു കയറണ്ട. അതിന് ഞാനുത്തരവാദിയല്ല)  ആഞ്ഞു വലിച്ചു പുറത്തുവിട്ട ബീഡിപ്പുകയോടൊപ്പം കുഞ്ഞുണ്ണിയുടെ മനസ്സിലിരുന്ന ആശയം പുറത്ത് ചാടി. ജോലിയും കൂലിയും  ചെലവും വരവും ലാഭവും നഷ്ടവുമടക്കം എല്ലാം വളരെ വ്യക്തമായിത്തന്നെയവന്‍ വിവരിച്ചു. "{നാളെത്തന്നെ പണിക്ക് പോകാന്‍ ഒരുങ്ങിക്കോ.. ബാക്കി ക്കാര്യം ഞമ്മളെറ്റു" ഇത് കുഞ്ഞുണ്ണീടെ വക. !

ജോലിയെന്നു കേള്‍ക്കുമ്പോള്‍ കളക്ടര്‍ പണിയെന്ന് കരുതരുത്.പകല്‍ സമയത്ത് ഓടിക്ഷീണിച്ചു വരുന്ന പ്രൈവറ്റ് ബസ് കഴുകി തുടച്ചു വൃത്തിയാക്കലാണ് കുഞ്ഞുണ്ണി ഞമ്മക്ക് നിര്‍ദ്ദേശിച്ച ഉദ്യോഗം. കൂലി പന്ത്രണ്ടു രൂപ. വലിയ അലമ്പോ അല്ലലോ ഇല്ല.  രാത്രി കുറഞ്ഞ സമയത്തെ ഡ്യൂട്ടി പകല്‍ പതിവ് പോലെ. എനിക്കും എന്‍റെ  ആത്മാര്‍ത്ഥ കൂട്ടുകാര്‍ക്കും ഞണ്ട് പിടുത്തം, ആരാന്‍റെ പെണ്മക്കളെ ചുമ്മാ പഞ്ചാരയടിക്കല്‍ തുടങ്ങിയ ലൈവ് കലാപരിപാടികള്‍  മുടക്കംതട്ടാതെ നടത്തുകയും ചെയ്യാം.

 ഈ പന്ത്രണ്ടു രൂപക്ക് ഐശ്വര്യറായിയുടെയത്ര  മൊഞ്ചുള്ള പൂങ്കുയിലുകളുടെ വളപ്പൊട്ടുകള്‍മുതല്‍  പട്ടയടിച്ചു പാമ്പായ പാണ്ടിയുടെ വാള് വരെ കഴുകി വൃത്തിയാക്കണം.  ഈ ചീപ്പ് സാലറിയില്‍ ഒരു കൊല്ലത്തോളം പിടിച്ചു നിന്നാല്‍ പിന്നെ ഉദ്ദ്യോഗകയറ്റംകിട്ടും  ഒരു ക്ലീനെറായിട്ട്. പിന്നെ, ഡ്രൈവറായിട്ട്.. പിന്നെ, മുതലാളിയായിട്ട്.. പിന്നെ ....... പിന്നെ........ ബ്രഹ്മാണ്ഡത്തിന്നധിപനായിട്ട് അങ്ങനെയങ്ങനെയങ്ങനെ  അവസാനം...!

പുഴുവിന്‍റെ ഭോജനശാലയിലെ ഇഷ്ട്ടവിഭവമായിട്ടു... ഹോ..!
എന്‍റെ 'ഗിയര്‍ ബോക്സ്‌' ഭഗവതീ മേനിയാകെ കുളിരുകോരുന്നു. ഇനിയൊരു  നിമിഷംപോലും ചിന്തിക്കാനില്ലയെന്നുറപ്പ് വരുത്തി  വണ്ടിപ്പണിക്കരായ സകലതെണ്ടികളേയും മനസ്സില്‍ ധ്യാനിച്ച്‌ കൊണ്ട് ഉമ്മയുടെ വക്കാലത്തില്‍ വാപ്പയുടെ അനുമതിയും വാങ്ങി ഒരു നീണ്ടു നിവര്‍ന്ന ജാക്കി ലിവറെടുത്ത് കരാറില്‍ ഒപ്പിട്ട് ജോലിയില്‍ ജോയിന്‍ ചെയ്തു.  എന്നെപ്പോലെത്തന്നെ  പാതിരാവില്‍ പണിയെടുത്ത്  'പറവ'യെപോലെ പറക്കുന്ന നാളുകളെ 'കിനാ'ക്കണ്ടുകൊണ്ട് കടന്നുവന്ന സമപ്രായക്കാരായ  പത്തു പന്ത്രണ്ടു ഗഡാ ഗഡികളുമുണ്ട് മറ്റു ശകട കുമാരികളെ സുന്ദരിയാക്കുന്ന ജോലിക്ക്.


 പച്ചയും ചുകപ്പും കളറുപൂശിയ ഇവ ഇന്ന് ഞങ്ങള്‍ക്ക് വെറും ബസ്സുകളല്ല. ഞങ്ങളുടെ പ്രാണസഖികളാണ്.സുറുമ എഴുതിയ കണ്ണുകളെപ്പോലെയുള്ള ഹെഡ് ലൈറ്റുകള്‍, കാതിലെ കമ്മലുകള്‍ പോലുള്ള  ഇന്‍ഡികേറ്ററുകള്‍, നിറഞ്ഞുതുളുമ്പിയ  മാറിടം പോലുള്ള ബംബര്‍, ഉരുണ്ടു കൊഴുത്ത   ഹൌസിംഗ്  തുടങ്ങി അംഗലാവണ്യവടിവുകളൊത്തെ ഇവരെ  കുളിപ്പിച്ച് കുട്ടപ്പനാക്കാന്‍ ഭാഗ്യം സിദ്ധിച്ച  പൂവാലന്‍മാരാണ് ഞങ്ങളെന്നതില്‍ ഞാനും സ്വയം അഹങ്കരിച്ചു.


ഒരു പത്തുമണിയോട് ഞങ്ങള്‍ ജോലി ആരംഭിക്കും.  ആദ്യമൊക്കെ ഒരു പത്തു പന്ത്രണ്ട് ബക്കെറ്റ് വെള്ളം കൊണ്ടാണ്  ഒരു ബസ്സ്‌ ക്ലീനാക്കിയിരുന്നത്. പിന്നെപ്പിന്നെ  ഞങ്ങള്‍ക്ക്  ആത്മാര്‍ഥത വര്‍ദ്ധിച്ച് എക്സ്പീരിയന്‍സ് കൂടി  ഒരു ബക്കെറ്റുവെള്ളംകൊണ്ട് പത്തു സുന്ദരികളെ വരെ കുളിപ്പിക്കാന്‍ തുടങ്ങി.  (നീര്‍കോലി കുട്ടിക്ക് നീന്താന്‍ ആരും പഠിപ്പിക്കണ്ട കാര്യം ഇല്ലല്ലോ ?)


സുന്ദര സുരഭില സുഭദ്രമാരുടെ നീരാട്ടുകഴിഞ്ഞാല്‍പിന്നെയാണ്  ഞങ്ങളെ കലാപരിപാടികള്‍ ഒന്നൊന്നായി അരങ്ങേറുന്നത്.  അതിലൊന്നാമത്തേതാണ് ഡ്രൈവിംഗ് പഠിക്കുകയെന്ന മഹത്തായ കല.  ഞങ്ങളെ കൂട്ടത്തിലുള്ള ഒരുത്തനും ഈ സംഗതി അറിയില്ലെങ്കിലും പള്ളിന്‍റെയുള്ളിലെ   ജാറം {യാറം} പോലെ പൊന്തിനില്‍ക്കുന്ന  ബോണെറ്റിനിടയിലൂടെ  മത്തന്‍ വള്ളിപോലെ പടര്‍ന്നുപോയ ഗിയര്‍ ലിവറിന്‍റെ പ്രവര്‍ത്തനം ഏറെക്കുറെ മനസ്സിലാക്കിയ ഞങ്ങള്‍ രണ്ടും കല്‍പ്പിച്ചു  മുതലാളി മാര്‍ അറിയാതെ പരിശീലനം ആരംഭിച്ചു.  റോഡിനു രണ്ടു വണ്ടിക്ക് പോകാനുള്ള വീതിയുള്ളത്കൊണ്ടും എതിരെ വാഹനങ്ങള്‍ വേറെ വരാത്തത്കൊണ്ടും  റിപ്പോര്‍ട്ട് ചെയ്യപ്പെടാന്‍ മാത്രമുള്ള അനിഷ്ട്ട  സംഭവങ്ങള്‍ ഒന്നുംതന്നെയുണ്ടായില്ല.  അത്കൊണ്ട് തന്നെ ഈ കള്ളത്തരം ഇപ്പോള്‍ പൊളിയില്ല. തുടരാം .......!

പക്ഷെ  ഇന്ധനം നിറക്കുമ്പോള്‍ ലിറ്റെറിന്‍റെ  എണ്ണം കൂടും അന്വേഷണം വരും സംഗതി പൊളിയും ജോലി പോകും!. അതിനെ പ്രധിരോധിക്കാനെന്തുണ്ട് വഴിയെന്ന് ചിന്തിക്കാന്‍ വീണ്ടുംസാധു  ബീഡികള്‍ ഒരുപാട് പുകഞ്ഞു മരിച്ചു. (ഈ ബീഡിയുടെ ഒരു കാര്യേ .....)

ബീഡിയുടെ അവസാന പുകയും നിലക്കുന്നതിനു  മുന്പ്  ആശയമുദിച്ചു. എല്ലാ വണ്ടികളില്‍ നിന്നും  കുറേശ്ശെ കുറേശ്ശെ ഡീസെല്‍  വലിച്ച്  ഓടിക്കുന്ന വണ്ടിയിലൊഴിച്ചാല്‍ കാര്യം കുശാല്‍. അങ്ങനെ ആ പഴുതുമടച്ച് കര്‍മ്മപരിപാടികളുമായി അല്ലലില്ലാതെ മുന്നോട്ടു പോകുമ്പോഴാണ് വീണ്ടും ഇരുട്ടു വാക്കിനൊരു 'കുരുട്ട്  ചിന്ത' മനുഷ്യനെ സുയിപ്പാക്കാന്‍ മനസ്സിലേക്കെത്തിയത്.

മറ്റൊന്നുമല്ല നാട്ടിലെ പ്രമുഖ സ്ഥാപനങ്ങള്‍ പരസ്യത്തിനുവേണ്ടി അവിടെയുമിവിടെയും 'കാഴ്ച മുടക്കി വലിച്ചു കെട്ടിയ'  ബാനെര്‍  അഴിച്ചെടുക്കുക.  വെളുക്കാന്‍ കാലം മൂന്നു മണിക്ക് ഈ കുസൃതിയുമായി ഞങ്ങള്‍ നില്‍ക്കുമ്പോള്‍ ഒരു നീല ജീപ്പ് ഞങ്ങളെയടുത്തു ഒരലര്‍ച്ച മുരള്‍ച്ചയോടെ  ബ്രേക്കിട്ടു !!


ഇതുകണ്ടതും സഖാവ് കുഞ്ഞുണ്ണി പറഞ്ഞു ഡാ............... ഞമ്മളെ മമ്മുആജിന്‍റെ  ജീപ്പാ...മൂപ്പര് കൊട്ടടക്ക വിറ്റു വര്യാണ്.... എന്നും പറഞ്ഞു ജീപ്പിന്‍റെടുത്തേക്കോടിയ കുഞ്ഞുണ്ണി പോയതിലും വേഗത്തില്‍ തിരിച്ചോടാനൊരുങ്ങിയതും  ജീപ്പില്‍ നിന്ന് തമ്പുരു സഞ്ചിയിലിട്ടപോലെ  വയറുള്ളോരു സാധനം ഇറങ്ങി വന്ന്,  "ഇങ്ങുവാ............ടാ......................പ @@@൨൨൯൮൦-൫൮൮൪൩൬൮൯൪൩ മോനെ ......"
ചിത്രം ഗൂഗിളില്‍ നിന്ന് മാന്യമായി കട്ടത്



കേട്ടാല്‍ കുളിക്കേണ്ട, ഈ അണ്ടര്‍  വെയറിനുള്ളിലെ  സംഗതികള്‍ ഷഡ്ജവുമീണവും താളവുമില്ലാതെ   കേട്ടതും എനിക്ക് സംഗതി കത്തി. ഈ ആകെലോകദുനിയാവില്‍  കേരള പോലീസിനേ    ഇത്ര വൃത്തികെട്ട ഭാഷയില്‍ ആളുകളെ  അഭിസംബോധന ചെയ്യാന്‍ കഴിയൂ..  ഇപ്പോള്‍ കിട്ടിയ പണി പാലും'വെള്ളത്തിലാണെന്നറിഞ്ഞ ടീം അംഗങ്ങളുടെ ധൈര്യത്തിന്റെ ജീനുകള്‍ 'ഖര ദ്രാവക' രൂപത്തില്‍ പുറത്തുചാടിയും ചാടാതേയും വൈബ്രേറ്റു മോഡില്‍  പ്രവര്‍ത്തിച്ചു കൊണ്ടിരുന്ന സമയത്താണ്  'തവള ചകിരി കഷണം കടിച്ചത് പോലുള്ള' കപ്പടാമീശ വെച്ച കോപ്പന്‍ പോലീസ് വീണ്ടും പറഞ്ഞത് .......!
ഇവിടെ വരിനെടാ ........................... ൧൨൩൪൬൫൬൭൮൯൦  മക്കളേ..................

ഇത് കേട്ടതും ഹൃദയമിടിപ്പിന്‍റെ വേഗതയും കണ്ണുകളുടെ വ്യാസവും ക്രമാതീതമായി കൂടി. കാലുകളുടെ ചടുലത നഷ്ടപെട്ടു. നിമിഷങ്ങള്‍ മണിക്കൂറുകളായി രൂപാന്തരം പ്രാപിച്ചു.  ജീവിതത്തില്‍ ആദ്യമായി പോലീസ് പിടിയിലാകുന്നുവെന്ന ഭീതിയുടെ നിഴലാട്ടത്തില്‍  സാംസ്കാരിക കേരളത്തിന്‍റെ  സംസ്കാരമില്ലാത്ത  രക്ഷകന്‍റെ മുന്നിലെത്തിയതും "ബാക്കിയുള്ളവര്‍ക്ക് ഒരു സമാധാനവും തരില്ല അല്ലേടാ ൦*+*%$# കളേ" ...  നേരെ മുന്പില്‍ നില്‍ക്കുന്ന കുഞ്ഞുണ്ണിയെ അടിക്കാന്‍ കൈയ്യോങ്ങിയതും  'അര ഔണ്‍സ്   വിനയവും ഒന്നര കിലോ ഭീതിയും' മുഖത്തു വാരിതേച്ചു ഇരുകരങ്ങളും കൂപ്പി കുഞ്ഞുണ്ണി കേണു .

'തല്ലല്ലിം............. പോലീസാക്കാ ..........................'

ഇത് കേട്ട  ആ കുടവയര്‍ ഏമാന്‍റെ മുഖത്ത്  ഒരു കാല്‍  ലിങ്ക്സ് ദയവു പ്രത്യഷമായി അടിക്കാനുള്ള ശ്രമം ഉപേക്ഷിച്ചു കൊണ്ട് ചോദിച്ചു;

നായിന്‍റെ മോനെ .........എന്താടാ ..... നിന്‍റെ പേര്..? 

"കുഞ്ഞുണ്ണി ആണ് പോലീസാക്കാ" 

എന്താടാ നിനക്ക് പണി..? 

"ബസ്സെഗ്ഗാണ്"

ഏതുബസ്സാടാ...............  ഇയ്യ്‌  കഴ്കണത്  എന്ന് ചോദിച്ചു പോലീസുകാരന്‍  കൈയ്യൊന്ന് പൊക്കിയതും പേടിച്ചുവിറച്ച കുഞ്ഞുണ്ണി ഉത്തരം പറഞ്ഞതും ഒപ്പമായിരുന്നു. 

"പച്ച കിന്സാണ് പോലീസാക്കാ" ഇത് കേട്ടതും ജീപ്പിനു നേരെ വിരല്‍ ചൂണ്ടി പോലീസുകാരന്‍ അലറി "നടക്കെടാ........ സ്റ്റേഷനിലേക്ക് ബാക്കി അവിടെ ചെന്നിട്ടു തരാം"

 സാധാരണ യാത്രാക്കാരില്ലാത്ത  ജീപ്പില്‍പോലും വെളിയില്‍ തൂങ്ങിനിന്ന് പോസ് കാണിക്കുന്ന കുഞ്ഞുണ്ണിക്ക്, തൂങ്ങുകയും വേണ്ട ആടുകയും വേണ്ട അനുസരണയുള്ള കുഞ്ഞാടിനെപ്പോലെ ജീപ്പിനകത്തേക്ക്  ഓടിക്കയറി ആസനസ്ഥനായി. കൂടെ ഞങ്ങളും.!   ഞെങ്ങി ഞെരുങ്ങി പോലീസ് സ്റ്റേഷനിലെത്തി  ജീപ്പുനുള്ളില്‍ നിന്ന് പുറത്തിറങ്ങിയപ്പോള്‍  ശരീരത്തിന്‍റെ  ഞെങ്ങലും ഞെരെങ്ങലും അവസാനിച്ചെങ്കിലും ഹൃദയം ഒരു നൂറു കഷ്ണമായി  നുറുങ്ങുകയായിരുന്നു. ജീവിതത്തിലാദ്യമായി കുരുന്നു പ്രായത്തില്‍  പോലീസ് സ്റ്റേഷനിലേക്ക്  കയറുകയാണ്.  ഭാവി ജീവിതം, തറവാടിന്‍റെ മാനം  തുടങ്ങി  ഇതുവരെയുള്ള  എല്ലാ സത്പേരിലും  'ചളി തെറിക്കാന്‍' പോവുകയാണ്. തെളിയാത്ത കേസുകള്‍ക്കൊരു പ്രതി,  മുക്കാലിയില്‍ കെട്ടി മുള്ളിക്കല്‍,   ഉരുട്ടി കൊല ചവിട്ടിക്കൊല,  അണ്ഡകടാഹം ഇടിച്ചുകലക്കല്‍. ജനനേന്ത്രിയത്തിലൂടെ ഈര്‍ക്കിലി കയറ്റല്‍ തുടങ്ങി കേട്ടതും കേള്‍ക്കാത്തതുമായ  ഒരായിരം ഹൊറര്‍ ചിത്രങ്ങളുടെ  സ്ലൈഡ് ഷോ ആണ് കണ്ണിനു മുന്നില്‍ കാണുന്നത്. 

 "ന്‍റെ..................... പടച്ചോനേ.....................................ന്നെ ഈ ....... നിന്ന നില്‍പ്പില്‍ അങ്ങോട്ടെടുക്കണേ"

 ഉള്ളുരുകി പ്രാര്‍ഥിച്ചു നില്‍ക്കുമ്പോഴാണ്  ഏമാന്‍ വീണ്ടും ഓര്‍ഡറിടുന്നത് "കേറി വാടാ ... കഴുവേറികളെ"

  സ്വര്‍ഗ്ഗവും നരകവും കിനാവ്‌ കണ്ടു കയറിച്ചെന്നു. ആദ്യം എല്ലാവരുടെ പേരും അഡ്രെസ്സും കൃത്യമായി എഴുതിയെടുത്തു.  'ഇനിയാണ്  ഇവന്‍മാരുടെ  കലാപരിപാടികള്‍ ആരംഭിക്കുന്നത്' എന്ന ധാരണയെ തിരുത്തുന്ന  വിധമായിരുന്നു പിന്നീടങ്ങോട്ടുള്ള പോലീസുകാരുടെ പെരുമാറ്റം.  കുറെ ഗുണദോശങ്ങളും  നിര്‍ദേശങ്ങളുമടക്കം സ്നേഹത്തില്‍ ചാലിച്ച സംസാരങ്ങള്‍. ഞങ്ങള്‍ അക്ഷമയോടെ  എല്ലാം കേട്ടുനിന്നതിനു പുറമേ ശ്രീമാന്‍ ഒട്ടുപാല്‍ കുഞ്ഞുണ്ണിക്കൊരു  സ്പെഷ്യല്‍  ക്ലാസ് കൂടെ കൊടുത്ത്  "ഡാ മരങ്ങോടാ ....കുഞ്ഞുണ്ണി  പോലീസ്കാരെ പോലീസാക്കാ ..... എന്നല്ല വിളിക്ക്യ.  'സര്‍' എന്നാണ്"  ഒരുമൂല കാണിച്ചു തന്നിട്ട്  പറഞ്ഞു  എല്ലാരും പോയി അവിടെ ഇരിക്ക്.  നേരെം വെളുത്താല്‍ വിടാം"  പഴുത്തു നില്‍ക്കുന്ന ഇരുമ്പ് ഐസ് വെള്ളത്തിലേക്കിട്ടപ്പോലെയായി ഞങ്ങളെ മനസ്സ്.  ദൈവത്തിനു സതുതിയും പറഞ്ഞിരിക്കുമ്പോഴാണ് ഒരു പോലീസ്കാരന്‍ ടി വി ഓണ്‍ ചെയ്യുന്നത്. "നല്ല സിനിമ ഓടുന്നുണ്ട് " കുഞ്ഞുണ്ണി. മറവത്തൂര്‍ കനവ്‌ സിനിമ ആണെന്നവന്‍  അല്ലെന്നു ഞങ്ങളും !  ഒരു വാദപ്രതിവാദം തന്നെ കൊടുമ്പിരിക്കൊണ്ട് വരികയാണ്. സ്ക്രീനില്‍ മെഗാ സ്റ്റാര്‍ മമ്മൂട്ടിയെ കണ്ടതും  നിലത്തിരുന്ന കുഞ്ഞുണ്ണി സ്ഥലകാലബോധമില്ലാതെ  ചാടിയെണീറ്റ്‌  ഉച്ചത്തില്‍....

 "ആ ..................ക്കണ്  മമ്മൂട്ടി".. !!!


ഇത് കേട്ടതും അടുത്തുനിന്ന പോലീസുകാരന്‍ കുഞ്ഞുണ്ണിയുടെ കരണക്കുറ്റി നോക്കി ഒരു പെട കൊടുത്തിട്ട്:  "ഇറങ്ങി പോയിടാ ......................... ബഡ്ക്കൂസുകളെ"...


അങ്ങനെ സാക്ഷാല്‍ സില്‍മാ നടന്‍  മമ്മുക്കാന്‍റെ  ജാമ്യത്തില്‍ ആദ്യത്തെ പോലീസ് സ്റ്റേഷന്‍ മോചനം. പിന്നീടങ്ങോട്ട് ഒരുപാട് സ്റ്റെഷന്‍റെ  ഉമ്മറപ്പടി കുഞ്ഞുണ്ണി കയറീട്ടുന്ടെങ്കിലും  സ്വന്തം നാട്ടിലെ സ്റ്റേഷനില്‍ കയറാന്‍ കഴിയാത്ത ഒരു സങ്കടം ഇപ്പോഴും ഒരു സ്വപ്നമായി  കുഞ്ഞുണ്ണി കൊണ്ട് നടക്കുന്നു !!.

ശുഭം


കുഞ്ഞുണ്ണിയെ കുറിച്ച് കൂടുതല്‍ ഇവിടെ അറിയാം 




131 അഭിപ്രായങ്ങൾ:

  1. ദേ..ഞാന്‍ ക്യൂവില്‍ ഒന്നമാതാണേ ,,അടയാളമായി ഈ കല്ല്‌ ഇവിടെ വയ്ക്കുന്നു ..വായിച്ചിട്ട് വന്നു കമന്റാം :)

    മറുപടിഇല്ലാതാക്കൂ
  2. ആ ബസിനെ വര്‍ണിക്കല്‍..കുറച്ചു കടന്നകയ്യായി പോയില്ലേ മാഷെ..ആശംസകള്‍

    മറുപടിഇല്ലാതാക്കൂ
  3. ഇത് തണ്ടാ പോലീസ് ,കൊമ്പനെ തളച്ച,പോലീസാക്കാമാര്ര്‍ക്ക് ലാല്‍സലാം ,രമേശേട്ടന്റെ കല്ല്‌ വെപ്പ് ഇല്ലാരുന്നെങ്കില്‍ ഞാന്‍ ആദ്യം കംമെന്റിയേനെ ,കൊമ്പന്റെ കൊമ്പത്തരങ്ങള്‍ നര്‍മ്മമാധുരംയിരിക്കുന്നു കേട്ടോ ,അഭിനന്ദനങ്ങള്‍

    മറുപടിഇല്ലാതാക്കൂ
  4. ഞാനും ഓടി വന്നതാ ..പിന്നെ വായിച്ചു കമന്റാം ട്ടോ ..

    മറുപടിഇല്ലാതാക്കൂ
  5. പോലീസ്‌ സ്റ്റേഷനിലെ സംഭവങ്ങളില്‍ ഒരു തിരിമറി നടന്നാതായി സംശയിക്കുന്നു..... :)

    മറുപടിഇല്ലാതാക്കൂ
  6. മൂസാക്ക ... ഇന്നലെ ഇങ്ങള് പറഞ്ഞപ്പോ ഞാന്‍ ബിജാര്ച്ചു പുയെ കവിത ആയിരിക്കുംമ്ന്നു ..അതാ ലീവ് എടുത്താലോ എന്ന് ചിന്തിച്ചേ...
    ഹോ ! കുഞ്ഞുണ്ണി പുരാണം സൂപ്പര്‍ ... പചെങ്കില്‍ ഞമ്മക് ഡൌട്ട് ഉണ്ട് സില്‍മാ നടന്‍ മമ്മൂട്ട്യെ ബുള്ച്ചത് ഇങ്ങള്‍ ആണോന്നു ....
    അടിപൊളി വംബതരം ... വെച്ചടി വെച്ചടി ഉഷാരവാണല്ലോ എഴുത്ത്
    ---------------ഇബടെ എന്തോ തെറ്റുണ്ടോന്നു നോക്ക്യേ
    "എന്താടാ നിനക്ക് പണി"
    "ബസ്സെന്കാണ് .....

    " കുഞ്ഞുണ്ണി സ്ഥലകാല ബോധം ഇല്ല ചാടി എണീറ്റ്‌ ഉച്ചത്തില്‍ പറഞ്ഞു"
    ---------------------

    മറുപടിഇല്ലാതാക്കൂ
  7. ഇതിനു അഭിപ്രായം പറയാന്‍ മാത്രം ഞാന്‍ ആളല്ല മൂസാക്ക കുഞ്ഞുണ്ണി സൂപ്പെര്‍

    മറുപടിഇല്ലാതാക്കൂ
  8. പഹയാ അതുവരെ അടികിട്ടാതിരുന്ന ങ്ങക്ക് (കുഞ്ഞുണ്ണിക്കാണ് എന്ന് ഇപ്പൊ പറയണ്) മമ്മൂട്ടി വന്നപ്പോളല്ലേ അടി കിട്ടിയത് ? എന്നിട്ട് പറയുന്നു ജാമ്യം എടുത്തത് മമ്മൂട്ടി കാരണമാണെന്ന് ..ഉപമകളൊക്കെ സരസമായി ..:)

    മറുപടിഇല്ലാതാക്കൂ
  9. പോലീസാക്കാ തല്ലല്ലീ പോലീസാക്കാ..... ഹ ഹ ഹ കിടു എനിക്കിഷ്ടായി...

    മറുപടിഇല്ലാതാക്കൂ
  10. വബത്തരം ഞമ്മക്ക് പെരുത്തു പിടിച്ചിക്ക്ണ്..
    നര്‍മം ഇഷ്ടായി മൂസ ..

    മറുപടിഇല്ലാതാക്കൂ
  11. ചെയ്ത കുറ്റം എന്താണെന്ന് പിടി കിട്ടിയില്ലല്ലോ.

    മറുപടിഇല്ലാതാക്കൂ
  12. കാളികാവില്‍ പോലിസ് സ്റ്റേഷന്‍ ഇല്ലാതത്ത്കൊണ്ട് നാട്ടിലെ പോലീസ്റ്റേഷനില്‍ കേറാന്‍ പറ്റിയില്ല അല്ലേ? പേടിക്കേണ്ട നമുക്ക് വണ്ടൂരില്‍ പോയി കേറാം അടുത്ത നാട്ടില്‍ പോക്ക് നമുക്കൊരുമിച്ച് പോയി അലക്കാം ഉറപ്പ് ഒരു കേസ് ഞ്ഞാന്‍ ഉണ്ടാകി തരാം,

    സമ്പവം രസായി ട്ടൊ
    ഇത് ശെരിക്കും ഇന്ന് ഈ ജോലി ചെയ്യുന്നവര്‍ വായിക്കണം , അപ്പോഴാണ് ഇതിന്റെ പൂര്‍ണ്ണത എത്രത്തോളം എന്ന് മനസിലാവൂ

    മറുപടിഇല്ലാതാക്കൂ
  13. കൊമ്പാ,,,രസായി അവതരിപ്പിച്ചു,,,, അല്ലെങ്കിലും ജ്ജൊരു സംഭവല്ലെ,,, 'പോലീസാക്കാ' ന്ന വിളി ഞമ്മക്ക് പെരുത്തിഷ്ടായി,,,, ചെറുപ്രായത്തില്‍ പോലീസ് സ്റ്റേഷനില്‍ കേറാനൊക്കെ ഒരു ഭാഗ്യം വേണം ല്ലെ,,,,, ഇനിയും എഴുതുക,,,സോറി,,,, എയുതുക,,,,

    മറുപടിഇല്ലാതാക്കൂ
  14. "പച്ചയും ചുകപ്പും കളറുപൂശിയ ഇവ ഞങ്ങള്‍ക്ക് വെറും ബസ്സുകളല്ല ഞങ്ങളുടെ പ്രാണ സഖികള്‍ ആണിന്നു .സുറുമ എഴുതിയ കണ്ണുകളെ പ്പോലെ ഉള്ള ഹെഡ് ലൈറ്റുകള്‍ കാതിലെ കമ്മലുകള്‍ പോലുള്ള ഇന്‍ഡികേറ്ററുകള്‍ നിറഞ്ഞു തുളുംബിയ മാറിടം പോലുള്ള ബംബര്‍ ഉരുണ്ടു കൊഴുത്ത ഹൌസിംഗ് തുടങ്ങി അംഗ ലാവണ്യ വടിവുകളൊത്തെ ഇവളെ കുളിപ്പിച്ച് കുട്ടപ്പനാക്കാന്‍ ഭാഗ്യം സിദ്ധിച്ച പൂവാലന്‍ മാരാണ് ഞങ്ങളെന്നതില്‍ ഞാനും സ്വയം അഹങ്കരിച്ചു"

    ശോ മുഴുവന്‍ ഇങ്ങനൊക്കെ എഴുതികൂടെ ഹിഹി

    മറുപടിഇല്ലാതാക്കൂ
  15. എന്‍റെ കൊമ്പോ......
    അടിയും, തന്തക്ക് വിളിയും മുഴുവന്‍ കുഞ്ഞുണ്ണിക്ക്‌ (തല്ലുകൊള്ളാന്‍ ചെണ്ടയും കാശു വാങ്ങാന്‍ മാരാരും മാതിരി)
    മറിച്ചാരുന്നെങ്കില്‍ ഒരു ആത്മാര്‍ത്ഥ സുഹൃത്തിന്റെ വേദനയോര്‍ത്തു 297 ബ്ലോഗന്മ്മാര്‍ വേദനിക്കുമെങ്കിലും പോസ്റ്റ്‌ പെണ്ണുമ്പിള്ളയെന്കിലും വായിച്ച് ഒന്ന് സന്തോഷിചെനെ...:)
    ഒരു പാലമിട്ടാല്‍ അങ്ങോട്ടും ഇങ്ങോട്ടും എന്നല്ലേ :)

    നര്‍മ്മം വളരെ ഇഷ്ടപ്പെട്ടു. അതിന്റെ പേരില്‍ ഒരു വാക്കില്പോലും സഭ്യതയുടെ അതിര്‍വരമ്പുകള്‍ ലന്ഘിക്കാതെ മാതൃക കാട്ടി എഴുതിയതില്‍ പ്രത്യേക അനുമോദനം അര്‍ഹിക്കുന്നു.
    നന്ദി, ആശംസകള്‍!

    മറുപടിഇല്ലാതാക്കൂ
  16. പോലീസാക്കാ.......ഞമ്മളെ അങ്ങ്ട്റ്റ്‌ ബിട്ടാള കോയാ.....ഞാന്‍ വിജരിച്ചു സാക്ഷാല്‍ മമ്മൂട്ടി ജാമ്യം എടുക്കാന്‍ വന്നൂന്ന്....അപ്പൊ പണ്ടേ ഊറ്റല്‍ ആണ് പരിപാടി അല്ലെ ഗൊച്ചു ഗള്ളാ...എന്തായാലും കൊള്ളാം

    മറുപടിഇല്ലാതാക്കൂ
  17. കൊള്ളാം. എന്തായാലും കൊള്ളാതെ പോന്നത് നന്നായി.
    മമ്മൂട്ടി അഭിനയം നിര്‍ത്തണം എന്നു പറയണവര്‌ ഇത് വയിക്കട്ടെ.
    സൈദ്ധാന്തികാടിത്തറ നല്‍കുന്ന ബീഡിയെ അവതരിപ്പിച്ചത് രസായി.
    ചില ചോദ്യ ചിഹ്നങ്ങള്‌ വേണോ എന്നൊരു സംശയം.
    ഉദാ: ഏതു പാപ്പരാസിക്കും തന്നെക്കാള്‍ ചെറിയവന്‍റെ മുമ്പില്‍ ആളാവാനുള്ള ആയുധമാണല്ലോ?-
    ഇങ്ങനെ വരുമ്പോ ആ വാചകം തീര്‍ന്നതയി തോന്നും. അതിന്റെ സംഗതികള്‍ പിനനലെ വരുന്നല്ലേ ഒള്ളു.

    മറുപടിഇല്ലാതാക്കൂ
  18. കൊള്ളാം. എന്തായാലും കൊള്ളാതെ പോന്നത് നന്നായി.
    മമ്മൂട്ടി അഭിനയം നിര്‍ത്തണം എന്നു പറയണവര്‌ ഇത് വയിക്കട്ടെ.
    സൈദ്ധാന്തികാടിത്തറ നല്‍കുന്ന ബീഡിയെ അവതരിപ്പിച്ചത് രസായി.
    ചില ചോദ്യ ചിഹ്നങ്ങള്‌ വേണോ എന്നൊരു സംശയം.
    ഉദാ: ഏതു പാപ്പരാസിക്കും തന്നെക്കാള്‍ ചെറിയവന്‍റെ മുമ്പില്‍ ആളാവാനുള്ള ആയുധമാണല്ലോ?-
    ഇങ്ങനെ വരുമ്പോ ആ വാചകം തീര്‍ന്നതയി തോന്നും. അതിന്റെ സംഗതികള്‍ പിനനലെ വരുന്നല്ലേ ഒള്ളു.

    മറുപടിഇല്ലാതാക്കൂ
  19. ജീവിത യാത്രാ വിവരണങ്ങള്‍ നര്‍മ്മത്തില്‍ തയ്യാറാക്കിയ കോമ്പാ. താങ്കള്‍ സഞ്ചരിച്ച വഴികളിലൂടെ ഒരു പുനര്‍യാത്ര.രസിപ്പിച്ചു .നല്ലോണം

    മറുപടിഇല്ലാതാക്കൂ
  20. ആഹാ! ബീഡി വലിച്ചാ ആശയങ്ങളും വരും ല്ലേ? ഇതു വരെ ആരും പറഞ്ഞു തരാത്ത ഈ സത്യം പരസ്യപ്പെടുത്തിയതിന് പ്രത്യേകം നന്ദി.
    മമ്മൂട്ടി ചെയ്യുന്ന ഉപകാരം അദ്ദേഹമറിയുന്നില്ലല്ലോ, അല്ലേ?

    കൊള്ളാം കേട്ടോ, നന്നായിട്ടെഴുതി.അഭിനന്ദനങ്ങൾ.

    മറുപടിഇല്ലാതാക്കൂ
  21. ആ പോലീസുകാരന്റെ ഫോണ്‍ നമ്പര്‍ ഉണ്ടോ കയ്യില്‍ ?
    ഇതങ്ങിനെ വിട്ടാല്‍ പറ്റില്ലല്ലോ .... പരിചയപെട്ട അന്ന് മുതല്‍ ഞാന്‍ വിളിക്കണം എന്ന് കരുതിയ നാല് തെറി ആ പഹയന്‍ ആദ്യം വിളിച്ചു കളഞ്ഞില്ലേ ..... എന്തായാല്ലും കയ്യില്‍ കിട്ടിയിട്ടും നാല് ചാര്‍ത്താതെ വിട്ട അയാളെ നാല് പറഞ്ഞില്ലെങ്കില്‍ എനിക്കുറക്കം വരില്ല ....

    കൊമ്പ ... സംഗതി ഉസാറായി ട്ടാ ...
    ആശംസകള്‍

    മറുപടിഇല്ലാതാക്കൂ
  22. ഈ സാധു ബീഡിയുടെ ഒരു കാര്യം... തൃശൂര്‍ പൂരം പോലെയല്ലേ മനസ്സില്‍ ലഡ്ഡു പൊട്ടുന്നത്...

    കൊമ്പന്‍ .. നര്‍മ്മം നന്നായി...

    പോലീസിനെ ഇക്കാക്ക എന്ന് വിളിക്കുന്നത്‌ കേട്ടപ്പോള്‍ ഓര്‍മ വരുന്നത് പണ്ട് നമ്മളൊക്കെ വിളിച്ചിരുന്ന കൊല്ലേട്ടന്‍, ആശാരിയെട്ടന്‍ എന്നൊക്കെയുള്ള പേരുകളാണ്..

    ജോസെലെറ്റ്‌ എം ജോസഫ്‌:
    നര്‍മ്മം വളരെ ഇഷ്ടപ്പെട്ടു. അതിന്റെ പേരില്‍ ഒരു വാക്കില്പോലും സഭ്യതയുടെ അതിര്‍വരമ്പുകള്‍ ലന്ഘിക്കാതെ മാതൃക കാട്ടി എഴുതിയതില്‍ പ്രത്യേക അനുമോദനം അര്‍ഹിക്കുന്നു.
    നന്ദി, ആശംസകള്‍!

    ഒപ്പ്... രണ്ടു കുത്ത്..

    മറുപടിഇല്ലാതാക്കൂ
  23. അമ്പോ... കൊമ്പന്‍ ആളു വമ്പന്‍ ആണ് കോമ്പോ..

    മറുപടിഇല്ലാതാക്കൂ
  24. കലക്കന്‍..,ഇതൊരു വമ്പത്തരം തന്നെയായി കൊമ്പാക്കാ...
    കുറച്ച് അച്ചരചെയ്ത്താന്മാര്‍ കൂടെ ഉണ്ടായിരുന്നെങ്കില്‍..ഒന്നു കൂടി “മോസത്തരം” അല്ല മൂസത്തരമാക്കാമായിരുന്നു...:)

    മറുപടിഇല്ലാതാക്കൂ
  25. കൊമ്പാ പൊളിച്ചു അടുക്കി...ഈനാം പേച്ചിക്ക് മരപ്പട്ടി കൂട്ട് എന്ന പോലെയാണല്ലോ കുഞ്ഞുണ്ണി കൊമ്പന് !! നര്‍മങ്ങള്‍ എല്ലാം കുറിക്കു കൊള്ളുന്നവയായിരുന്നു..പിന്നെ പോലീസുകാരെ കുറിച്ച് പറഞ്ഞ ഭാഗം അടിപൊളിയായിരുന്നു....നാട്ടിലെ സ്റ്റേഷനില്‍ കേറാന്‍ ഭാഗ്യം ഉണ്ടായില്ലേല്‍ സൌദിയിലെ സ്റെഷനില്‍ കേറാന്‍ ഭാഗ്യം ഉണ്ടാവാന്‍ ഞാന്‍ പ്രാര്‍ത്ഥിക്കാം.

    മറുപടിഇല്ലാതാക്കൂ
  26. കൊമ്പന്‍ ആളു വമ്പന്‍ തന്നെ, എഴുത്തിലും...നര്‍മ്മത്തില്‍ ചാലിച്ച എഴുത്ത് ഒത്തിരി ഇഷ്ടമായി..ആശംസകളോടെ,

    മറുപടിഇല്ലാതാക്കൂ
  27. ബീഡി
    മമ്മൂട്ടി
    കുഞ്ഞുണ്ണി
    ആകെ തകര്‍ത്തു തരിപ്പണമാക്കിയല്ലോ മൂസക്കാ!

    മറുപടിഇല്ലാതാക്കൂ
  28. കൊമ്പ, പുലി വരുന്നു എന്ന് പറഞ്ഞു പേടിപ്പിക്കുന്ന പോലെ രണ്ടു ദിവസമായി അന്റെ ഈ പോസ്റ്റും കാത്തിരിക്കുകയാണ്. ഇത് കൊമ്പനാന പുലിയായി വന്ന പോലെ ഉഷാറായി.

    നര്‍മ്മത്തില്‍ പൊതിഞ്ഞ ബീഡി കഥകളുമായി ബസ് ക്ലീനിങ്ങ് പണി ജോറാക്കി അല്ലേ.. ഈ പാതിരാ കുര്‍ക്കന്മാര്‍ക്ക് ഉപദേശം കൊടുക്കുന്ന എമ്മാന്മാരെ സമ്മതിക്കണം.
    എന്തായാലും കൊമ്ബാ ഒരു കാര്യം ഉറപ്പിചൂട്ടോ, ഇങ്ങള് മമ്മൂട്ടിന്റെ ആളാണല്ലേ പഹയാ.....

    മറുപടിഇല്ലാതാക്കൂ
  29. അനുഭവം ഗുരു.
    എന്തിലും നരമ്മ കണ്ടെത്തുക എന്നതും കൌതുകം തന്നെ.

    മറുപടിഇല്ലാതാക്കൂ
  30. അങ്ങിനെ കൊമ്പന്‍ പോലീസ്‌സ്റ്റേഷനിലും കയറി ,,,ഇനി എന്തൊക്കെ കാണണം ന്റെ കോജ രാജാവായ തമ്പുരാനെ .................
    ----------------------------------------------
    കുഞ്ഞുണ്ണിയുടെ ആ നടക്കാത്ത സ്വപനം വേഗം നടക്കാന്‍ ഞാനും പ്രാര്‍ഥിക്കാം !!!

    മറുപടിഇല്ലാതാക്കൂ
  31. നാട്ടുകാരാ ..വളരെ വളരെ നന്നായി നര്‍മത്തില്‍ പൊതിഞ്ഞു അനുഭവം പറഞ്ഞു ..ഏറെ ഏറെ ഇഷ്ട്ടായി ..
    ആളുകള് കൊമ്പന്റെ നാട്ടുകാരന്‍ എന്ന് പറയുന്നതിന് ഇപ്പൊ എന്തൊക്കെയോ ഒരു ഇത് തോന്നുന്നു ..
    ഇഷ്ട്ടായി ..പെരുത്ത്‌ ..അനുഭവം ഗുരു ..

    മറുപടിഇല്ലാതാക്കൂ
  32. ബീഡിയുടെ ദാര്‍ശനികവ്യാഖ്യാനത്തിനു ഫുള്‍മാര്‍ക്ക്‌ !
    രസകരം, പഴയ രാത്രിയോര്‍മ്മകള്‍....

    മറുപടിഇല്ലാതാക്കൂ
  33. ശരിക്കും ചിരിപ്പിച്ചു ,ചിരിപ്പിക്കാന്‍ വേണ്ടി കൊമ്പന്‍ ശരിക്കും പണി എടുത്തിട്ടുണ്ട്

    മറുപടിഇല്ലാതാക്കൂ
  34. അപ്പോ കൊമ്പാ, അടുത്ത കഥയില്‍ ആ മോഹന്‍ ലാലിനും ഒരു ചാന്‍സ് കൊടുത്തേക്ക്. കാസനോവ കളിച്ച് ക്ഷീണിച്ചിരിക്കുകയല്ലെ?

    മറുപടിഇല്ലാതാക്കൂ
  35. മമ്മുട്ടി അറിയാതെ എത്ര പേരെയാ സഹായിക്കുന്നത് അല്ലെ? ബീഡി സാധു തന്നെയാണോ?

    മറുപടിഇല്ലാതാക്കൂ
  36. പത്തു മണിയോട് ഞങ്ങള്‍ ജോലി ആരംഭിക്കും, ആദ്യമൊക്കെ ഒരു പത്തു പന്ത്രണ്ട് ബക്കെറ്റ് വെള്ളം കൊണ്ടാണ് ഒരു ബസ്സ്‌ ക്ലീനാക്കിയിരുന്നത് എങ്കില്‍ പിന്നെ .പിന്നെ..ഞങ്ങള്‍ക്ക് ആത്മാര്‍ഥത വര്‍ധിച്ചു .എക്സ്പീരിയന്‍സ് കൂടിയപ്പോള്‍ ഒരു ബക്കെറ്റു വെള്ളം കൊണ്ട് പത്തു സുന്ദരികളെ വരെ കുളിപ്പിക്കാന്‍ തുടങ്ങി (നീര്‍കോലി കുട്ടിക്ക് നീന്താന്‍ ആരും പഠിപ്പിക്കണ്ട കാര്യം ഇല്ലല്ലോ ?)>> കൊമ്പനെ ആരും ഒരു പണിയും എല്പിക്കല്ലേ.

    മറുപടിഇല്ലാതാക്കൂ
  37. നര്‍മ്മത്തില്‍ ചാലിച്ച പോസ്റ്റു വളരെ രസകരമായി തന്നെ അവതരിപ്പിച്ചു...ഇത് പച്ച നുണ എന്നു പറഞ്ഞതല്ലേ പച്ച നുണ.. ചില നര്‍മ്മങ്ങള്‍ ഒത്തിരി ഇഷ്ട്ടായി... ആശംസകള്‍........

    മറുപടിഇല്ലാതാക്കൂ
  38. അടുക്കുകളും തൊങ്ങലുകളും ഒന്നും വെച്ചു കെട്ടാതെ മനസ്സിലുള്ളത് അങ്ങിനെ തന്നെ പറയാനുള്ള കൊമ്പന്‍റെ കഴിവ് അപാരമാണ്. അതാണ് കൊമ്പന്‍ മറ്റുള്ളവരില്‍ നിന്നും വേറിട്ടു നില്‍ക്കുന്നതും, ഇവിടെയും അത് തെളിയിച്ചു. കാര്യങ്ങള്‍ കൃത്രിമത്തം ഇല്ലാതെ വളരെ സരളമായി പറയുന്ന കൊമ്പന് ആശംസകള്‍
    "പ്രതിഫലനാത്മകമായ എഴുത്തിന്റെ രഹസ്യം സരളതയില്‍ നിലകൊള്ളുന്നു വെന്ന് എവിടെയോ വായിച്ചതായി ഓര്‍ക്കുന്നു" The secret of effective writing is in simplicity

    മറുപടിഇല്ലാതാക്കൂ
  39. വല്ലാത്ത ജാതി ഉപമകളും, ഉല്‍പ്രേക്ഷകളും..:-) പോസ്റ്റ്‌ ഉഷാര്‍ ആയിട്ടുണ്ട് മൂസാക്കാ..

    മറുപടിഇല്ലാതാക്കൂ
  40. വീണത്‌ വിദ്യയാക്കുക എന്ന് കേട്ടിട്ടുണ്ട് .
    വാക്കുകളെയും പ്രയോഗങ്ങളേയും പിറകിലൂടെ ചെന്ന് അടിച്ചു വീഴ്ത്തി പല്ല് കൊഴിച്ച് അവക്ക് മീതെ നിന്ന് ആസ്വദിച്ചു ചിരിക്കുകയും 'കാഴ്ചക്കാരെ' ചിരിപ്പിക്കുകയും ചെയ്യുന്ന കൊമ്പന്റെ വമ്പിനു ഒരു വമ്പന്‍ ഹായ് !!!

    മറുപടിഇല്ലാതാക്കൂ
  41. ആ ക്കുണ് -കൊമ്പന്‍റെ മറ്റൊരു വന്പത്ത്രം (വമ്പ ത്തരം )

    മറുപടിഇല്ലാതാക്കൂ
  42. നീണ്ട ഒരു ബ്രേക്കിന് ശേഷമുള്ള എന്റെ ബ്ലോഗ്‌ വായനയെ ചിരിയില്‍ മുക്കിയെടുത്തു.

    മറുപടിഇല്ലാതാക്കൂ
  43. ഹോ.. ഒരു യാത്ര കഴിഞ്ഞ് വന്ന ക്ഷീണത്തിലാണ് വായിക്കാന്‍ തുടങ്ങിയത്..

    ഇപ്പോള്‍ ദേ ക്ഷീണമെല്ലാം പമ്പ കടന്നിരിക്കുന്നു..
    വായിച്ച് ഒത്തിരി ചിരിച്ചു.. നല്ല രസമുള്ള അവതരണം..
    എന്നിട്ട് ശേഷം എന്ത് സംഭവിച്ചു.... ഡ്രൈവറാകാന്‍ പറ്റിയോ...

    മറുപടിഇല്ലാതാക്കൂ
  44. സ്വകാര്യ ബസ്സുകള്‍ ഒരു പ്രതീകമാണ്.പുറമേ നിറക്കൂട്ടും ഉള്ളില്‍ സമസ്ത വികാരങ്ങളും.വാക്കുകള്‍ കൊണ്ട് മാല കോര്‍ത്ത്‌ നിര്‍ഭയം കൈരളിക്കു സമര്‍പ്പിക്കുക ....അത് തന്നെയാണ് താങ്കളുടെ ദൌത്യമെന്ന് തിരിച്ചറിയുക.
    ഭാവുകങ്ങള്‍.............

    മറുപടിഇല്ലാതാക്കൂ
  45. ഒരു തലവെട്ട് സംഭവത്തിന്റെ വിവരണം വായിച്ച മൂഡ്‌ ഓഫില്‍ ആണ് ഇവിടെ എത്തിയത്‌....
    അത് ഏതായാലും മാറി ഹാപ്പി ആയി....

    ".സുറുമ എഴുതിയ കണ്ണുകളെപ്പോലെയുള്ള ഹെഡ് ലൈറ്റുകള്‍, കാതിലെ കമ്മലുകള്‍ പോലുള്ള ഇന്‍ഡികേറ്ററുകള്‍, നിറഞ്ഞുതുളുമ്പിയ മാറിടം പോലുള്ള ബംബര്‍, ഉരുണ്ടു കൊഴുത്ത ഹൌസിംഗ് തുടങ്ങി അംഗലാവണ്യവടിവുകളൊത്തെ ഇവരെ കുളിപ്പിച്ച് കുട്ടപ്പനാക്കാന്‍ ഭാഗ്യം സിദ്ധിച്ച പൂവാലന്‍മാരാണ്"

    കലക്കന്‍ വിവരണം....

    പിന്നെ നമ്മുടെ ആ പോലീസാക്ക ഇപ്പോള്‍ ഈ പോസ്റ്റ്‌ വായിക്കുന്നുണ്ടോ ആവോ.....

    പിന്നെ ഇങ്ങള് മമ്മൂട്ടിയെ ഒന്ന് പൊക്കി വെച്ചു അല്ലേ....
    ലാലേട്ടന്റെ ആള്‍ക്കാര്‍ കാണണ്ട....
    കാസിനോവ പൊട്ടിയ പ്രാന്തിലാണവര്‍...

    ചെറുപ്പകാലത്തെ അനുഭവം ഈ വയസ്സാങ്കാലത്തെങ്കിലും ഓര്‍ത്തെടുത്ത് അവതരിപ്പിച്ചത് നാന്നായി.....:)

    മറുപടിഇല്ലാതാക്കൂ
  46. കൊമ്പന്റെ മനസ്സിന്റെ ഷേപ്പ് മാതളനാരങ്ങ പോലാണല്ലേ ...!!
    ഇതാരറിഞ്ഞു ഇപ്പോളെലും പറഞ്ഞത് നന്നായി ട്ടോ ..!!
    കൊമ്പന് ആത്മാര്‍ഥത വര്‍ദ്ധിച്ച് എക്സ്പീരിയന്‍സ് കൂടി ഇനി ആ അറബിയെ വഴിയാധാരം ആക്കുമോ എന്തോ.. ?
    പണ്ടേ ഡീസല്‍ ഊറ്റല്‍ ആയിരുന്നു പണി ല്ലേ ..!!ഇത് ആ മുതലാളി ഒന്ന് വായിച്ച്ചിരുന്ണേല്‍ നന്നായിരുന്നു ...!!
    ഇനി ആരെയും ഇതുപോലെ മാതളനാരങ്ങ മനസ്സ് ഉള്ളവരെ ബസ്സ് എല്പ്പിക്കില്ലായിരുന്നു ട്ടോ ..!!

    മറുപടിഇല്ലാതാക്കൂ
  47. കൊമ്പൻ നർമ്മം കൊണ്ട് ഈയിടെയായി കസറുന്നുണ്ട്.കൊള്ളാം.

    മറുപടിഇല്ലാതാക്കൂ
  48. കൊമ്പന്‍എന്ത് എഴുതിയാലും അത്വായിക്കുകഎന്നത്
    എന്‍റെ അവകാശമാണ് എന്നെത്തെപോലെ കുഞ്ഞുണ്ണിയും
    നന്നായിട്ടുണ്ട് ഭാവുകങ്ങള്‍

    മറുപടിഇല്ലാതാക്കൂ
  49. കുഞ്ഞുണ്ണിയെക്കുറിച്ച് ഉള്ള പോസ്റ്റ് മുമ്പ് വായിച്ചിരുന്നു.

    - ഞാനാലോചിക്കുന്നത് ഇതൊക്കെ ശരിക്കുമുള്ള പൂര്‍വ്വകാല കൊമ്പജീവിതം തന്നെയോ എന്നാണ്. എങ്കില്‍ സംശയമില്ല , ജീവിതമാകുന്ന സര്‍വ്വകലാശാലയില്‍ പഠിച്ച് ഒന്നാം ക്ലാസ്സില്‍ ഡിഗ്രിയെടുത്ത കൊമ്പന് ഈയുള്ളവന്റെ പ്രണാമം.

    - ബീഡിവലിയും ബസ്സുകഴുകലും, ഡ്രൈവിങ്ങ് പഠനവും, ബാനര്‍ മോഷ്ടിക്കലും, പോലീസ്ക്കയും , പോലീസ് സ്റ്റേഷനും എല്ലാം രസിച്ചു വായിച്ചു- കുഞ്ഞുണ്ണിക്ക് തല്ലുകൊള്ളണ്ടായിരുന്നു .അവിടെ രസച്ചരട് ഇത്തിരി മുറിഞ്ഞിട്ടുണ്ട്... പോലീസുകാര്‍ നിങ്ങളെയും സിനിമ കാണാന്‍ വിളിച്ചിരുന്നെങ്കില്‍ ഒന്നുകൂടി തസരമാകുമായിരുന്നു... അതുപോലെ ബസ്സിനെ ഒരു പെണ്ണിന്റെ ആകാരാദി ക്രമങ്ങളില്‍ കഴുകി മിനുക്കി സുന്ദരിയാക്കിയാല്‍ മതിയായിരുന്നു .പകരം സുന്ദരക്കുട്ടപ്പനാക്കിയതിലും ഒരു കല്ലുകടി പോലെ...

    കലക്കി മൂസക്ക .നിങ്ങള്‍ വള്ളുവനാടിന്റെ സ്വന്തം കുട്ടിക്കൊമ്പന്‍ തന്നെ.-ഞാന്‍ മജീദ് പറഞ്ഞതു ആവര്‍ത്തിക്കുന്നു -"പ്രതിഫലനാത്മകമായ എഴുത്തിന്റെ രഹസ്യം സരളതയില്‍ നിലകൊള്ളുന്നു... "

    മറുപടിഇല്ലാതാക്കൂ
  50. അനിയാ, കൊമ്പാ, നിങ്ങൾക്ക് അനുഭവങ്ങൾക്ക് ഒരു കുറവും ഉണ്ടാകാനിടയില്ല. നാട്ടിൽ കുറച്ച് കാലം തരത്തിനൊത്ത കൂട്ടുകാരുമായി കഴിഞ്ഞാൽ, ഓരോ ദിവസവും ഓർത്തെടുത്താൽ ഓരോ പോസ്റ്റ് ആക്കാൻ മാത്രം കാണും, അല്ലേ?

    അഭിനന്ദനങ്ങൾ!

    എനിയ്ക്കേറ്റവും ഇഷ്ടപെട്ട ഭാഗം... "ഈ അണ്ടര്‍ വെയറിനുള്ളിലെ സംഗതികള്‍ ഷഡ്ജവുമീണവും താളവുമില്ലാതെ കേട്ടതും എനിക്ക് സംഗതി കത്തി. ഈ ആകെലോകദുനിയാവില്‍ കേരള പോലീസിനേ ഇത്ര വൃത്തികെട്ട ഭാഷയില്‍ ആളുകളെ അഭിസംബോധന ചെയ്യാന്‍ കഴിയൂ."

    മറുപടിഇല്ലാതാക്കൂ
  51. ബീഡി ഒണ്ടേൽ ഒരെണ്ണം താ കൊമ്പാ..!
    ബെർതെ..ഒന്നു തല പൊഹയ്ക്കാനാ..!!

    രസ്സായിരിക്കണ് കൊമ്പാ..
    ങ്ങടെ വമ്പത്തരം യിനീം തുടരുക.
    ആശംസകൾ...!

    മറുപടിഇല്ലാതാക്കൂ
  52. നര്‍മം വളരെ നന്നായി കൈകാര്യം ചെയ്തു, കുഞ്ഞുണ്ണിയും കൊമ്പനും , ജമ്പനും തുമ്പനും പോലെ ഹിറ്റ്‌ ആയല്ലോ .... ആശംസകള്‍

    മറുപടിഇല്ലാതാക്കൂ
  53. ലിങ്ക് കണ്ടപ്പോള്‍ ഇന്നാളു കിട്ടിയ ഫേസ്ബുക്ക് പാര(ടി) വല്ലതും ആണോന്നു സംശയിച്ചു ..ഈ വമ്പത്തരം മുട്ടന്‍ തന്നെ...സമ്മയിച്ചു കൊമ്പാ..

    മറുപടിഇല്ലാതാക്കൂ
  54. ഏതു പാപ്പരാസിക്കും തന്നെക്കാള്‍ ചെറിയവന്‍റെ മുന്പില്‍ ആളാവാനുള്ള ആയുധമാണല്ലോ ഇത്തരം ഉപദേശ ഗുണദേശങ്ങളുമെന്ന ലോക സത്യം മനസ്സിലാക്കി വിനയ കുനയ കുഞ്ഞിരാമാനായി ഞാനാ ക്ണാപ്പന്റെ കൊണവതിയാരം ഇരു കര്‍ണങ്ങളും കൂര്‍പ്പിച്ചു എന്‍റെ ബോധമണ്ഡലത്തിലേക്ക് ഫീഡ് ചെയ്തുകൊണ്ട് ചോദിച്ചു.

    ഇക്കാ.... നിങ്ങളെ കയ്യില്‍ ഞമ്മക്ക് പറ്റിയ വല്ല പണിയുമുണ്ടോ..?

    നമിച്ചിരിക്കുന്നു കൊംബാക്കാ.. അല്ല കൊമ്പന്‍ സാറേ...

    മറുപടിഇല്ലാതാക്കൂ
  55. പഴയ പോസ്റ്റുകളോട്‌ കിട പിടിക്കില്ലേലും സരസമായി പറഞ്ഞു കൊമ്പാ... നിറ്‍ത്താതെ തുടക്കം മുതല്‍ ഒടുക്കം വരെ വായിച്ചു പോയി.. അക്ഷര തെറ്റുകള്‍ കൊമ്പന്‌ പുത്തരിയല്ലാത്തത്‌ കൊണ്‌ട്‌ അത്‌ പ്രശ്നമേ ആക്കുന്നില്ല. കാരണം ഭാഷ ആശയ വിനിമയത്തിനുള്ളതാണ്‌. കാര്യം മനസ്സിലാവുന്നുണ്‌ട്‌.. ഭാവുകങ്ങള്‍... :)

    മറുപടിഇല്ലാതാക്കൂ
  56. കൊമ്പാ, കഴുകി വെളുപ്പിച്ചു. ഉപമകളുടെ ഒരു മത്സരയോട്ടം തന്നെയായിരുന്നു. ബംഗാളിയാണ് ഒരു ബക്കറ്റ് വെള്ളംകൊണ്ട് പത്തു വണ്ടി കഴുകാമെന്ന് കണ്ടുപിടിച്ചത് എന്നാണ് ഇതുവരെ ഞാന്‍ കരുതിയിരുന്നത്.

    പ്രൈവറ്റ് ബസിനെ പ്രാണസഖി യോട് ഉപമിച്ച കാവ്യഭാവനേ ........... അഭിനന്ദനം....

    മറുപടിഇല്ലാതാക്കൂ
  57. നല്ല ചിരിക്ക് കളമൊരുക്കിയ കൊമ്പനു അഭിനന്ദനങ്ങൾ....

    മറുപടിഇല്ലാതാക്കൂ
  58. കൊമ്പാ.. അപൂര്‍വ്വമായി കാണുന്ന ശൈലിയാണ് കൊമ്പന്റെത് . എഴുത്തിലെ നിഷ്കളങ്കതയും ഒഴുക്കും പിടിച്ചിരുത്തുന്നു. നര്‍മ്മ പ്രയോഗങ്ങള്‍ ഒരുപാട് ഇഷ്ടപ്പെട്ടു..

    മറുപടിഇല്ലാതാക്കൂ
  59. ആക്ഷേപഹാസ്യത്തിന്റെ മേമ്പൊടിയോടെ ജീവിത പ്രാരാബ്ധങ്ങളുടെ നര്‍മക്കഷായം ..നല്ല ഭാഷ ..നല്ല അവതരണം ...ഇനിയും ജീവിതാനുഭങ്ങളെ നര്‍മത്തില്‍ ചാലിച്ചെഴുതാനാവട്ടെ..കൊമ്പനു ഭാവുകങ്ങള്‍

    മറുപടിഇല്ലാതാക്കൂ
  60. കൊമ്പന്‍ മൂസാക്ക ഇതും ഞമ്മക്ക് പെരുത്ത് ഇസ്ടായി, ങ്ങള് ആളു ബല്യ പുല്യാണ് കെട്ടാ..

    മറുപടിഇല്ലാതാക്കൂ
  61. വായിച്ചു കഴിഞ്ഞു കമന്റാന്‍ കുറേ നടക്കേണ്ടി വന്നു...കമന്റുകളുടെ നിര ...നന്നായിട്ടുണ്ട്....കൊമ്പന്‍ സ്റ്റൈലില്‍ ...ഒഴുക്കും നര്‍മ പ്രയോഗങ്ങളും ഇഷ്ടമായി :)

    മറുപടിഇല്ലാതാക്കൂ
  62. കൊമ്പാ.. വളരെ നല്ല ആശയം അതെപോലെ സരസം, എങ്ങിനെ പറ്റുന്നു ഇങ്ങനെ രസകരമായി ഏഴുതാന്‍ .. അസൂയപെടുത്തുന്നു എന്റെ "വമ്പാ......."

    മറുപടിഇല്ലാതാക്കൂ
  63. വളരെ ഇഷ്ടപ്പെട്ടു. നാടന്‍ പദപ്രയോഗങ്ങള്‍ എല്ലാം കുറിക്കു കൊണ്ടിട്ടുണ്ട്.

    മറുപടിഇല്ലാതാക്കൂ
  64. ലോകത്ത് പല സൈദ്ധാന്തിക' കണ്ടുപിടുത്തത്തിന്‍റെയും പുറകില്‍ ആപ്പിളാണെങ്കില്‍ ഇന്‍റെ കാളികാവിലും, പരിസര പ്രദേശങ്ങളിലുമുള്ള ഉത്തരം കിട്ടാത്ത ഒരുപാട് ചോദ്യങ്ങള്‍ക്കുത്തരമാവുന്നത് എരിഞ്ഞമരുന്ന തെറുപ്പ്'ബീഡികളാണ് ......!!(ഇനി ഇത് വായിച്ചു ആരെങ്കിലും ബീഡി വലിച്ചു മയ്യത്തായാല്‍ കൊമ്പന്‍റെ മുതുകതേക്ക് പാഞ്ഞു കയറണ്ട. അതിന് ഞാനുത്തരവാദിയല്ല)

    പഞ്ചിംഗ് ഡയലോഗ്!!!

    മറുപടിഇല്ലാതാക്കൂ
  65. നിര്‍ദോഷമായ കുറെ ഫിലിതങ്ങള്‍ കോര്‍ത്തിണക്കി ചിരിയുടെ മാലപ്പടക്കം തീര്‍ത്ത പോസ്റ്റ് ആസ്വദിച്ചു വായിച്ചു. കഴുകുന്ന വണ്ടി എടുത്തു ഡ്രൈവിംഗ് പഠിക്കുന്നതൊക്കെ ശരിയാ. ചില വിരുതന്മാര്‍ ഡ്രൈവിംഗ് പഠിക്കാനായി മാത്രം ഈ ജോലി ചെയ്യാറുണ്ട് എന്നറിയാം. അങ്ങിനെ ചില നടപ്പ് കാഴ്ചകളുടെ കൊമ്പന്‍ സ്റ്റൈലിലുള്ള ഈ ഹാസ്യാവിഷ്ക്കാരം പലയിടത്തും എന്നെ പൊട്ടിച്ചിരിപ്പിച്ചു. നന്ദി.

    മറുപടിഇല്ലാതാക്കൂ
  66. ഹമ്പട വമ്പാ ...അന്റെ എയുത്ത് ഉസാറായി.....ഇജ്ജ് സുലൈമാനല്ലെടാ ഹനുമാനാ ഹനുമാന്‍..

    മറുപടിഇല്ലാതാക്കൂ
  67. കൊമ്പന് നേരെയും വന്നോ.. ഉപദേശികള്‍ ... ഹാ..
    എന്തായാലും അടിപൊളി.. പോലീസ് സ്റ്റേഷനിലൊക്കെ ടി.വി ഉണ്ടോ? ഇന്ന അടിപൊളിയാണല്ലോ.. സീരിയല്‍ ഒക്കെ വച്ച് തരുമോ ??

    മറുപടിഇല്ലാതാക്കൂ
  68. സൂപ്പര്‍ എന്ന് മാത്രം പറഞ്ഞാല്‍ പോരാ... അതിനപ്പുറം വല്ലതും ഉണ്ടെങ്കില്‍ പറയാം.

    നര്‍മ്മത്തിന്‍റെ മേമ്പൊടി ഒരിത്തിരിപോലും ഒരിടത്തും കുറക്കാതെ, വാക്കുകള്‍ കൊണ്ട് അമ്മാനമാടുകയല്ലേ നമ്മുടെ ഗൊമ്പന്‍!

    പലപ്പോഴും സോറി പലപ്പോയും "ബസ്സെഗ്ഗാണ്" പോലത്തെ നാടന്‍ ശൈലികള്‍ക്ക് ഒരു തര്‍ജമക്കാരനെ വെക്കേണ്ടി വരുമോ എന്ന് തോന്നിപ്പോയി.

    ഭലേഭേഷ്‌!

    by
    സൈഫു

    മറുപടിഇല്ലാതാക്കൂ
  69. നര്‍മം കലക്കീട്ടുണ്ട് ..
    ആ പോലീസാക്കാ എന്ന വിളി ഇഷ്ടപ്പെട്ടു.
    ഉപമകള്‍ കുറച്ചു കൂടിപ്പോയത് അല്പം ഒവരായോന്നു എനിക്ക് ചെറിയ സംശയമില്ലാതില്ല .

    മറുപടിഇല്ലാതാക്കൂ
  70. കൊമ്പന്ക്കാ
    ഇങ്ങള് ഇനി മേലാല്‍ കവിത എഴുതരുത്
    ഇങ്ങള് കവിയല്ല കഥാ കൃത്താ.. ഹും
    മര്യാദക്ക് ഇനിയും എഴുതിക്കോ

    മറുപടിഇല്ലാതാക്കൂ
  71. വമ്പാ.. കൊമ്പത്തരങ്ങള്‍ നന്നായിട്ടുണ്ട്..

    സലീം മേപ്പാടി

    മറുപടിഇല്ലാതാക്കൂ
  72. സുപ്രഭാതം...
    മുന്നേ വായിച്ചിരുന്നു ട്ടൊ...ഒരു ദിവസം ന്റ്റെ മലയാളം കളഞ്ഞു പോയി...അതോണ്ട് മിണ്ടാതിരുന്നു..
    പിന്നേം ഒരു ദിവസം വൈകിച്ചതില്‍ ക്ഷമീ..

    ഇത്തരം എഴുത്തുകള്‍ ഞാന്‍ വളരെ ഉത്സാഹത്തോടും സന്തോഷത്തോടെയും ഇരുന്നു വായിയ്ക്കും,
    ഒട്ടും പിരിമുറുക്കങ്ങള്‍ തരാതെയുള്ള ആനന്ദിച്ചു കൊണ്ടുള്ള വായന..
    അത് ഇവിടെ നിന്നും കിട്ടി...വളരെ സന്തോഷം ട്ടൊ..!

    ഹാസ്യം ഒരു കലയല്ല...ഒരു കഴിവാണ്‍..
    പ്രത്യേകിച്ച് അനുഭവങ്ങള്‍ അതിന്‍റെ മൂല്യം നഷ്ടപ്പെടുത്താതെ വായനക്കാരില്‍ എത്തിയ്ക്കുക എന്നത് ആ കഴിവിനു നല്‍കുന്ന അംഗീകാരമാണ്‍..
    ആശംസകള്‍ ട്ടൊ..!

    മറുപടിഇല്ലാതാക്കൂ
  73. ഇതു വായിച്ച് ഒരു സാധു ബീഡി വലിച്ചു വട്ടത്തില്‍ പുക വിടാന്‍ എനിക്കും പൂതിയായി കോമ്പാ.
    കുഞ്ഞുണ്ണിയുടെ ആ പോലീസിക്ക എന്ന വിളി നന്നായി ചിരിപ്പിച്ചു.
    നല്ല രസികന്‍ പോസ്റ്റ്‌.

    മറുപടിഇല്ലാതാക്കൂ
  74. നോം ധ്യാനത്തില്‍ ആയിരുന്നു വല്‍സാ ..അപ്പോളാണ് നിങ്ങളുടെ വമ്പ ത്തരത്തെ ക്കുറിച്ച് നാരദര്‍ വന്നു പറഞ്ഞത് ..ഉടനെ പുറപ്പെട്ടു വന്നു ,കേമം ആയി .നമോവാകം ഓം ക്ലീം ഘ്രീം സ്വാഹ ..ഒന്ന് ഉഴിഞ്ഞു ഇട്ടതാ ..കൊതി കിട്ടാതിരിക്കാന്‍

    മറുപടിഇല്ലാതാക്കൂ
  75. പലവാക്കുകളും മനസ്സിലായില്ല കൊമ്പന്‍ക്കാ ..സംഗതി മൊത്തത്തില്‍ ഇഷ്ടമായി

    മറുപടിഇല്ലാതാക്കൂ
  76. മാറി നില്‍ക്കൂ, ഞാനൊന്നാര്‍ത്ത് ചിരിക്കട്ടെ. കൊമ്പന്‍റെ പൂര്‍വാശ്രമ ജീവിതത്തെക്കുറിച്ച് ഏകദേശം ഒരു ധാരണയായി. ഇനി മുതല്‍ കൂടുതല്‍ ആദരവ്‌ അര്‍ഹിക്കുന്നു. വെറുമൊരു പാമരനാം പാട്ടുകാരന്‍ എന്ന സ്റ്റാറ്റസില്‍ നിന്ന് സ്ഥലത്തെ പ്രധാന കെ.ഡി. എന്ന നിലയിലാണ് വിലയിരുത്തേണ്ടതെന്നു തോന്നുന്നു. നന്ദി കോമ്പാ നന്ദി.

    മറുപടിഇല്ലാതാക്കൂ
  77. ഒരുപാട് ചിരിച്ചു.. ഈ എഴുത്ത് തികച്ചും അഭിനന്ദനം അര്ഹിക്കുന്നു.. ഒട്ടും അതിശയോക്തിയില്ലാത്ത നര്‍മ്മം..

    മറുപടിഇല്ലാതാക്കൂ
  78. ഒട്ടും അതിശയോക്തിയില്ലാത്ത ഒന്ന്. അല്ലെങ്കിലും, ജീവിതം വരയുമ്പോള്‍ സ്വാഭാവികതയല്ലാതെ മറ്റെന്താണ് അനുഭവമാവുക.

    മറുപടിഇല്ലാതാക്കൂ
  79. ജീവിതാനുഭവങ്ങളെ തമാശയായി കണ്ടു മറ്റുള്ളവരുടെ മുന്നില്‍ അവതരിപ്പിക്കാന്‍ കഴിയുക എന്നത് ചില്ലറ കാര്യമല്ല. കൊമ്പന്റെ ഓരോ പോസ്റ്റ് വായിക്കുംമ്പോളും നാട്ടില്‍ സുഹൃത്തുക്കളായിരുന്നപല കഥാപാത്രങ്ങളും മനസ്സില്‍ ഓടി എത്താറുണ്ട്. ആദ്യ ദിവസം തന്നെ ഇത് വായിചിരുന്നുവേന്കിലും ഇതിനോടുള്ള പ്രതികരനങ്ങള്‍ കൂടി വായിച്ചിട്ട് കമന്റാം എന്ന് താങ്കളെ അറിയിച്ചതും അത് കൊണ്ടാണ്.
    വിഷമതകള്‍ നിറഞ്ഞ ഭൂതകാലത്തെ എന്റെ എല്ലാ അനുഭവങ്ങളും ഇന്ന് എനിക്ക് ഓര്‍ത്ത്‌ ചിരിക്കാന്‍ കഴിയുന്നു. പക്ഷെ അത് ഇതുപോലെ മറ്റുള്ളവരിലേക്ക് എത്തിക്കാന്‍ കഴിയുന്നില്ല എന്ന് മാത്രം .
    ഒരു പാട് ആസ്വദിച്ചു വായിച്ചു എന്ന് മാത്രം ഇപ്പോള്‍ പറയുന്നു .

    മറുപടിഇല്ലാതാക്കൂ
  80. രചയിതാവ് ഈ അഭിപ്രായം നീക്കംചെയ്തു.

    മറുപടിഇല്ലാതാക്കൂ
  81. വായിച്ചു ട്ടോ കൊമ്പന്റെ നര്‍മ്മപദങ്ങള്‍ ഒരു ഉണ്ടല്ലോ ..

    മറുപടിഇല്ലാതാക്കൂ
  82. ഹ ഹ .....ചിരിപ്പിച്ചു കളഞ്ഞല്ലോ ഇക്കാ .....ആ സന്ദര്‍ഭങ്ങള്‍ മനസ്സില്‍ കണ്ടപ്പോള്‍ അറിയാതെ ചിരിച്ചു പോയ്‌ :)))

    മറുപടിഇല്ലാതാക്കൂ
  83. വൈകിയാണ് ഇവിടെ എത്തിയത്.... നന്നായി രസിച്ചു വായിച്ചു.തരുണിമണികളോടുള്ള ഉപമയാല്‍ ഉള്ള ബസ്‌ കഴുകല്‍,
    പോലിസ്ക്ക വിളി,, ബീഡി മഹാത്മ്യം എല്ലാം കൂടി കിടിലന്‍.....,,,, നന്നായി ചിരിപ്പിച്ചു.

    മറുപടിഇല്ലാതാക്കൂ
  84. ഉപ്പുരസമുള്ള കണ്ണീരിൽ മധുരം ചേർക്കണോ?...
    മധുരം മധുരമായിട്ടും, ഉപ്പ്‌ ഉപ്പായിട്ടും രുചിക്കുന്നതാണിഷ്ടം :) ആശംസകൾ.

    മറുപടിഇല്ലാതാക്കൂ
  85. പോലീസാക്ക,,, ഹ ഹ..പെരുത്തിഷ്ടായിട്ടൊ മൂസാക്കാ.

    മറുപടിഇല്ലാതാക്കൂ
  86. ചിരിച്ചെന്റെ കണ്ട്രോള്‍ പോയി വല്ലാത്ത പഹയന്‍ ആണ് ഇക്ക .. ആശംസകള്‍

    മറുപടിഇല്ലാതാക്കൂ
  87. ഹ..ഹ..എന്താ എഴുത്താ കൊമ്പാ..സത്യത്തി നെനക്ക് ഒരുപാട് സ്ഥലത്തൂന്ന്‍ ശരിക്കും കിട്ടീട്ടുണ്ടല്ലേ... ചിലര്‍ സമ്മതിക്കും..ചിലര്‍ അത് മറ്റുള്ളവരുടെ പിടലിയില്‍ വയ്ക്കും..ഹൊ കൊമ്പന്റെയൊക്കെ ഒരു ഭാഗ്യം..നീ പുലി തന്നെയാണ് കെട്ടാ...

    മറുപടിഇല്ലാതാക്കൂ
  88. രസായിട്ട് അവതരിപ്പിച്ചു. അഭിനന്ദനങ്ങള്‍

    മറുപടിഇല്ലാതാക്കൂ
  89. Message കിട്ടിയാണ് വന്നത് .അല്പം വൈകിയെത്തിയ അതിഥിയെന്നു കരുതുക. 'കാളികാവി'ന്റെ കൊമ്പത്ത് വിരിഞ്ഞ ഈ നാട്ടുപൂവിന് തനിമയാര്‍ന്ന സൗന്ദര്യവും സൗരഭ്യവും പുതുമ നഷ്ടപ്പെടാതെ...

    മറുപടിഇല്ലാതാക്കൂ
  90. പത്തു പന്ത്രണ്ട് ബക്കെറ്റ് വെള്ളം കൊണ്ട് ഒരു ബസ്സ്‌ ക്ലീനാക്കിയിരുന്ന സ്ഥാനത്ത് ഒരു ബക്കെറ്റുവെള്ളംകൊണ്ട് പത്തു സുന്ദരികളെ വരെ കുളിപ്പിക്കാമെന്നായ ആത്മാര്‍ഥതയും എക്സ്പീരിയന്‍സും സമ്മതിക്കാതെ വയ്യ..!!

    ബീഡി പുകഞ്ഞു വരുന്ന ആശയങ്ങള്‍ ഗുലുമാലില്‍ ചെന്ന് ബ്രെക്കിടുന്നതും....
    തല്ലല്ലിം പോലീസാക്കാ....(ഏതു പോലീസാ പിന്നെ തല്ല്വാ...)

    അങ്ങിനെ നാട്ടുനര്‍മ്മത്തിന്‍റെ മുത്തുകള്‍ കോര്‍ത്ത ഒരുഗ്രന്‍ ചിരിമാല.....

    കൊമ്പന്‍ വീണ്ടും...

    മറുപടിഇല്ലാതാക്കൂ
  91. ജീപ്പില്‍ നിന്ന് തമ്പുരു സഞ്ചിയിലിട്ടപോലെ വയറുള്ളോരു സാധനം..

    kalaki. :)

    മറുപടിഇല്ലാതാക്കൂ
  92. ഇമ്മാതിരി ബാഷയൊക്കെ പറയാൻ കേരളാ പോലീസിനേക്കൊണ്ടേ കഴിയൂ അല്ലേ ഇക്കാ. അങ്ങനെ ഓർത്തോർത്ത് ചിരിക്കാൻ നല്ല വെടിക്കെട്ട് തമാശകൾ കുത്തിനിറച്ച ഒരു പോസ്റ്റ്. ഞാൻ ഇത് എന്റെ ഫോളോവർ ലിസ്റ്റിൽ നോക്കുമ്പോ കാണുന്നില്ല.അതില് ലാസ്റ്റ് പൊസ്റ്റ് 'നിഷാദൻ' ആണ്. ഇത് ന്ന്ട്ട് പരസ്യത്തിലെ ലിങ്ക്ക്കൂടി കയറിയതാ. എന്തായാലും കിട്ട്യല്ലോ, സമഹാധാനം. ആശംസകൾ മുസാക്കാ.

    മറുപടിഇല്ലാതാക്കൂ
  93. നാട്ടിൻ പൂറത്തിന്റെ നിഷ്കളങ്കത ....... നല്ല എഴുത്തു. ഗംഭീരം

    പുതിയ പോസ്റ്റുകൾ ഇടുമ്പോൾ അറിയിച്ചാൽ വേഗം വന്നു വായിക്കാം. അല്ലേൽ ബൂലോകം മുഴുവൻ തപ്പി വരുമ്പോഴ്ക്കും വല്ലാതെ വൈകും

    മറുപടിഇല്ലാതാക്കൂ
  94. അല്ലെങ്കിലും തട്ടെം മുട്ടീം തട്ടിത്തിരിഞ്ഞും
    കൊമ്പന്റെ ബ്ലോഗ്ഗിലേക്കെത്തുമ്പോ ഞാനെപ്പോഴും വൈകും..
    അതിനിനി എന്താണാവോ മരുന്ന്!
    പതിവ് പോലെ കൊമ്പന്‍ കൊമ്പന്റെ മാത്രമായ ശൈലിയില്‍ കസറുന്നു...!
    ചിരിയുടെ അമിട്ടുകള്‍ പൊട്ടേണ്ട സമയത്ത് തന്നെ പൊട്ടിക്കുന്നുണ്ട് !
    അഭിനന്ദനങ്ങള്‍ മൂസാ!

    മറുപടിഇല്ലാതാക്കൂ
  95. കൊമ്പൻ കൊമ്പുകുലുക്കി മസ്തകം വിരിച്ച് ചെവിയാട്ടി നിൽക്കുന്ന കാഴ്ച്ചയാണ് എനിക്കിവിറ്റെ കാണാൻ കഴിയുന്നത്..!

    മറുപടിഇല്ലാതാക്കൂ
  96. ബീഡിയ്ക്ക് 'താങ്ങുവില' ഏര്‍പ്പെടുത്തണം.....

    മറുപടിഇല്ലാതാക്കൂ
  97. വായിക്കാന്‍ വൈകി ,നല്ല അനുഭവ കഥ . കഥയുടെ അവസാനം പെട്ടെന്ന് തീര്‍ന്നപ്പോള്‍ നിരാശ തോന്നി ആശംസകള്‍

    മറുപടിഇല്ലാതാക്കൂ
  98. കൊമ്പന്‍ജി നിങ്ങള്‍ ഭാഗ്യവാന.... ബസ്‌ കഴുകല്‍ ആരുന്നു പനിയെങ്കിലും ഭയങ്കര ഹോള്‍ഡ്‌ അല്ലെ??? ജയിലീന്ന് ഇറക്കാന്‍ സാക്ഷാല്‍ മമ്മുക്ക അല്ലെ വന്നത് അതും ടിവിയില്‍...., നന്നായിട ചിരിച്ചു...

    മറുപടിഇല്ലാതാക്കൂ
  99. ഇതൊക്കെ നിങ്ങളെ അനുഭവങ്ങള്‍ തന്നെയാണോ മൂസക്കാ.. കിടിലന്‍ സംഭവങ്ങള്‍ തന്നെ.. പോലീസിക്കാ എന്ന വിളി എനിക്ക് ക്ഷ പിടിച്ചു.. മമ്മൂട്ടിയുടെ കാരണം തല്ലും ജാമ്യവും .. കൊള്ളാം..

    മറുപടിഇല്ലാതാക്കൂ
  100. പുത്യേ ലേ-ഔട്ട് സൂപ്പറായിട്ടുണ്ട് കേട്ടോ കൊംബാ

    മറുപടിഇല്ലാതാക്കൂ
  101. കൊമ്ബാ ങ്ങക്ക് കൊമ്പ് രണ്ടാണട്ടോ !
    ശ്വാസം വിടാതെ വായിച്ചു....
    കളികാവിലൂടെയും പ്രദക്ഷിണം നടത്തി !
    മാസങ്ങള്‍ക്ക് മുമ്പ് ഞാന്‍ അതിലെ വന്നിരുന്നു ...
    എന്തായാലും നല്ലൊരു 'അവുലുംബള്ളം' കുടിച്ച സുഖം!!
    ആശംസകളോടെ
    അസ്രുസ്

    മറുപടിഇല്ലാതാക്കൂ
  102. അനുഭവങ്ങളെ എല്ലാം നര്‍മ്മത്തില്‍ കാണാന്‍ കഴിയുന്നത് തന്നെ വലിയ മനസ്സ്.. കിടിലം പോസ്റ്റ്‌...,...
    ആശംസകള്‍

    മറുപടിഇല്ലാതാക്കൂ
  103. എഹേം - അപ്പോൾ ഇതായിരുന്നു പരിപാടി ?
    രസിച്ചു വായിക്കാം :)

    മറുപടിഇല്ലാതാക്കൂ
  104. ഇൻഷാ അള്ളാ., പടച്ചോൻ കുഞ്ഞുണ്ണീടെ ആഗ്രഹം സഫലമാക്കട്ടെ.., ആമീൻ

    മറുപടിഇല്ലാതാക്കൂ
  105. കൊള്ളാം ,നര്‍മ്മത്തിന്റെ അകമ്പടിയില്‍ നല്ലൊരു എഴുത്ത്‌ ...
    വമ്പത്തരങ്ങള്‍ കുറച്ചു കുറഞ്ഞോ എന്ന് സംശയം...
    അഭിനന്ദനങ്ങള്‍...

    മറുപടിഇല്ലാതാക്കൂ
  106. ...... " സുന്ദര സുരഭില സുഭദ്രമാരുടെ നീരാട്ടുകഴിഞ്ഞാല്‍പിന്നെയാണ് ഞങ്ങളെ കലാപരിപാടികള്‍ ഒന്നൊന്നായി അരങ്ങേറുന്നത്. അതിലൊന്നാമത്തേതാണ് ഡ്രൈവിംഗ് പഠിക്കുകയെന്ന മഹത്തായ കല. ഞങ്ങളെ കൂട്ടത്തിലുള്ള ഒരുത്തനും ഈ സംഗതി അറിയില്ലെങ്കിലും പള്ളിന്‍റെയുള്ളിലെ ജാറം {യാറം} പോലെ പൊന്തിനില്‍ക്കുന്ന ബോണെറ്റിനിടയിലൂടെ മത്തന്‍ വള്ളിപോലെ പടര്‍ന്നുപോയ ഗിയര്‍ ലിവറിന്‍റെ പ്രവര്‍ത്തനം ഏറെക്കുറെ മനസ്സിലാക്കിയ ഞങ്ങള്‍ രണ്ടും കല്‍പ്പിച്ചു മുതലാളി മാര്‍ അറിയാതെ പരിശീലനം ആരംഭിച്ചു."

    കൊമ്പന്‍ വെറുമൊരു വമ്പനല്ല. എഴുത്തിലും മുമ്പന്‍ തന്നെ.
    തുമ്പപ്പൂവിന്‍റെ നൈര്‍മ്മല്യ മുള്ള ഇമ്പമാര്‍ന്ന ശൈലി.
    ഉമ്പായി യുടെ ഗസല്‍ കേള്‍ക്കുന്ന സുഖമുണ്ട് വായിച്ചു പോകാന്‍....
    വായിക്കുന്നവരില്‍ കമ്പമുണര്‍ത്തുന്ന ഉപമ കളുടെ കൂമ്പാരം തന്നെയുണ്ട്‌ കൊമ്പന്‍റെ കുമ്പയില്‍
    കൊമ്പനെ ഇനിയും വായിക്കാനുള്ള വെമ്പലിലാണ് ഞാന്‍...
    വളരെ നന്ദി കൊമ്പാ....
    ഞാനും വരുന്നു കൊമ്പന്‍റെ തമ്പിലേക്ക്.... നമുക്കൊന്ന് കൂടണം..

    മറുപടിഇല്ലാതാക്കൂ
  107. ലോകത്ത് പല സൈദ്ധാന്തിക' കണ്ടുപിടുത്തത്തിന്‍റെയും പുറകില്‍ ആപ്പിളാണെങ്കില്‍ ഇന്‍റെ കാളികാവിലും, പരിസര പ്രദേശങ്ങളിലുമുള്ള ഉത്തരം കിട്ടാത്ത ഒരുപാട് ചോദ്യങ്ങള്‍ക്കുത്തരമാവുന്നത് എരിഞ്ഞമരുന്ന തെറുപ്പ്'ബീഡികളാണ്.) ഒരു ബീഡികിട്ടിയിരുന്നെങ്കില്‍.......എന്തൊക്കെയോ എഴുതണോന്നുണ്ട്.....നര്‍മ്മരസമുള്ള നല്ലെഴുത്ത്...

    മറുപടിഇല്ലാതാക്കൂ
  108. കേട്ടുകേള്‍വിയില്ലാത്ത കുറേ ശൈലികളും തമാശകളും. നന്നായി ആസ്വദിച്ചു. കൊമ്പന്റെ വമ്പത്തരങ്ങള്‍ തുടരട്ടെ എന്നാശംസിക്കുന്നു.

    മറുപടിഇല്ലാതാക്കൂ
  109. കൊമ്പന് പണി തന്ന കുഞ്ഞുണ്ണി ക്കും പോലീസുകാരനും ഒരുപാട് നന്ദിയുണ്ട് ..
    രസായിട്ടോ അവതരണം

    മറുപടിഇല്ലാതാക്കൂ

LinkWithin

Related Posts Plugin for WordPress, Blogger...