ഞായറാഴ്‌ച, ജനുവരി 27

ആന ബസ്സിന്‍റെ അന്ത്യ കൂദാശ...


പരശുരാമേട്ടന്‍ മഴു എറിഞ്ഞു പാവക്ക പ്പോലെ ഉണ്ടാക്കിയെടുത്ത കേരളക്കരയിലെ  നിരത്തിലൂടെ തലങ്ങും വിലങ്ങും ഓടുന്ന ഞമ്മളെ ആന വണ്ടിയുടെ കട്ടയും പടവും മടങ്ങാന്‍ ഇനി അധിക നാളുകളില്ലെന്ന് മാമല നാട്ടിലെ മലയാള മാധ്യമങ്ങളെല്ലാം മടി കൂടാതെ പറയുന്നത് കേള്‍ക്കുമ്പോള്‍ സത്യം പറയാലോ ..?ഈ ഉള്ളവന്‍റെ ഖല്‍ബിനകത്ത്  പാണ്ടാരോ പാടിയ  " ഇതാ പോകുന്നേ .. നാരി ഇതാ പോകുന്നേ.. എന്ന  ഒപ്പന പാട്ടിന്‍റെ ഈണത്തില്‍ ഉള്ളൊരു പാട്ടാണ് മുഴങ്ങുന്നത് . അത് രാജ്യസ്നേഹം ഇല്ലാത്തത് കൊണ്ടോന്നും അല്ല  കുറച്ചുകാലം  കേരളത്തിന്‍റെ റോഡും കുളവും അല്ലാത്ത പാതയിലൂടെ വെയിലും മഴയും കൊണ്ട്  ഈ ആനകളോട് മത്സരിച്ചും ചിന്നം വിളിച്ചുമാണ് ഈ കൊമ്പില്ല കൊമ്പന്‍ ഉപജീവനം നടത്തിയിരുന്നത്.

 അന്ന് മ്മടെ മൂക്ക് കൊണ്ട് " ക്ഷ ,ഞ"  തുടങ്ങി മലയാളത്തില്‍ ഞാന്‍ പറഞ്ഞാല്‍ ഇപ്പോളും വെടിപ്പാകാത്ത  സകല അക്ഷരങ്ങളും  വരപ്പിച്ച ഈ നഷ്ടത്തിലോടുന്ന കഷ്ട ശകടത്തിന്‍റെ മരണ വാര്‍ത്ത കേള്‍ക്കുമ്പോള്‍  ആര്‍ക്കാണെങ്കിലും ഉള്ളിലൊരു ലത്‌ ഉണ്ടാവില്ലേ,,,,?. ആ പഴയ ലഡാക്ക് മൊതലിന്‍റെ ഈ കഷ്ടകാല നേരത്ത് അതിനെ കുറിച്ച് രണ്ടക്ഷരം തപ്പി പിടിച്ചു എഴുതിയില്ലെങ്കില്‍ പിന്നെ എന്ത് ഫ്ലോഗ് .

.കട്ട സീറ്റും മുട്ടുള്ള പാട്ടും സൈഡില്‍ കാറ്റ് കൊള്ളാനുള്ള പങ്കയും, പോകുന്ന വഴിക്ക് വടി ആവാന്‍ സാദ്ധ്യതയുള്ള ടയറിനു മാറ്റാന്‍ ഉള്ള സ്റ്റെപ്പിനിയും,  സ്റ്റെപ്പിനി സെറ്റപ്പാക്കാന്‍ ഇന്നെ പ്പോലെ കുട്ടപ്പനായ  ക്ലീനര്‍മാരും, കൊക്കില്‍ ജീവനുണ്ടെങ്കില്‍ മാറ്റാരെ ജീവന്‍ കളഞ്ഞിട്ടാണെങ്കിലും  പറഞ്ഞാ പറഞ്ഞ സമയത്ത് പറയുന്ന സ്ഥലതെത്തിക്കുന്ന പ്രൈവറ്റ് ബസ്സ്‌ എന്ന് പറയുന്ന  സുന്ദര പങ്കില ശകടം  ഇരു വാതായനങ്ങളും തുറന്നു വെച്ച്  കട്ടനും അടിച്ചു തൊണ്ട പൊട്ടി ആളെ വിളിച്ചു സല്‍ക്കരിക്കുമ്പോഴും. ഒരുത്തനും കയറാന്‍ താല്‍പര്യം കാണിക്കാതെ നേരെ പോകുന്നത് തൊട്ടടുത്ത് എണ്ണ തപ്പില്‍ കളറും വാരിതേച്ചു നാല് ചക്രവും ഫിറ്റ് ചെയ്ത് പള്ളപുറത്ത് രണ്ടാനേടെ  പടവും വെച്ച ആന വണ്ടിയിലേക്ക് ഇടിച്ചു കയറുമ്പോള്‍ അന്നെത്ര വട്ടം പ്രാകിയതാ ആ പ്രാകൃത ശകടത്തെ എന്നറിയോ ?

അന്നും ഇന്നും അതങ്ങനെ തന്നെയാണ് അതിനെ കുറിച്ച് എനിക്കോ എന്‍റെ സഹപ്രവര്‍ത്തകര്‍ക്കോ യാതൊരു പരാതിയുമില്ല കാരണം എന്‍റെ വന്ദ്യ ഗുരുനാഥനും  എന്നെ ക്ലീനെറും  ഡ്രൈവറും  നാട്ടാര്‍  വിളിക്കുന്ന വെറും 'ര്‍' ഉം   ആക്കി വാര്‍ത്തെടുത്ത ശ്രീമാന്‍ കുഞ്ഞിക്ക കട്ടന്‍ ബീഡിയും കത്തിച്ചു ടെന്‍ഷനും കയറി ഇരിക്കുന്ന സമയത്ത് ഈ വിനീത വിനയ ശിഷ്യന് പകര്‍ന്നു തരുന്ന ഒരുപാഠമുണ്ട്‌  "ഡാ ... ഈ പ്രൈവറ്റ് ബസ്സും ഞമ്മളെ സ്റ്റാണ്ടിലെ അമ്മിണിയും ഒരു പോലെയാ ... രണ്ടും കുടുങ്ങുന്ന സമയത്ത് നാട്ടാര്‍ക്ക് ആവശ്യണ്ട് അല്ലാത്തപ്പോ അങ്ങട്ട് കണ്ടും കൂടാ ... മുച്ചന്തി മോന്തിക്ക് കാമം കത്തിക്കയറുമ്പോള്‍  അമ്മിണിയെ പാത്തുംപതുങ്ങീം കണ്ണും കയ്യും കാട്ടി  വളച്ചു എവിടേലും പോയി ഒരു മെയ്യും മനസ്സുമായി ശയിക്കും .പിറ്റേന്ന് നേരം വെളുത്ത് അവളെ കണ്ടാലോ ..? അവള്‍ വേശ്യ , നാണോം മാനോം ഇല്ലാത്ത തേവിടിശ്ശി ആര്‍ക്കും കണ്ടൂടാ ... തലേന്ന് രാത്രി പാന്‍പരാഗ് മണക്കുന്ന അവളെ മുഖത്ത് ഒരായിരം  തവണ ഉമ്മവെച്ച്, തേനേ,,, പാലേ ,,, പൊന്നേ പൂങ്കുയിലേ .. എന്ന് വിളച്ചവനാവും ഇപ്പൊ മാന്യന്‍ ആവുന്നത്" . ഇതുപോലെ തന്നെയല്ലേ ഞമ്മളെ കഥയും അവര്‍ കയറി ഇരിക്കുമ്പോള്‍ അവര്‍ക്ക് പെട്ടെന്ന് എത്തണം അല്ലാത്തപ്പോ റോഡരികില്‍ നിന്ന് ഞമ്മളെ തള്ളക്ക് വിളിക്കും . 

ഇത്തരത്തില്‍ പൊതുജങ്ങളുടെ എല്ലാം അപ്രീതിക്ക് പാത്രമാവുന്ന പ്രൈവറ്റ് ബസ്സുകളും ബസ്സ്‌ വ്യവസായവും കേരളമെന്ന ഇട്ടാവട്ട നാട്ടില്‍ തഴച്ചു വളരുമ്പോള്‍ എന്ത് കൊണ്ട്? ജനങ്ങള്‍ കൂടുതല്‍ ആഗ്രഹിക്കുന്നതും ജനം കൂടുതല്‍ സഹകരിക്കുന്നതുമായ ഈ ആന ബസ്സ്‌ എന്ന് പറയുന്ന പൊതു മേഖലാ സ്ഥാപനം നഷ്ടത്തിലാവുന്നു എന്നത് കുറച്ചു ഗൌരവമായി തന്നെ ചിന്തിക്കേണ്ട വസ്തുതയാണ് .

തിരുവിതാംകൂര്‍ രാജ്യത്തെ പ്രജകളുടെ ഗതാഗത ആവശ്യാര്‍ത്ഥം തിരുവിതാംകൂര്‍ സ്റ്റേറ്റ് ട്രാൻസ്പോര്‍ട്ട് ഡിപാര്‍ട്ട്മെന്റ് എന്ന പേരില്‍രൂപം കൊണ്ട്  പിന്നീട്   1965 ല്‍  കേരള സര്‍ക്കാരിന്‍റെ റോഡ്‌ ട്രാന്‍സ്പോര്‍ട്ട് നിയമത്തിന്‍റെ ഭാഗമായി നിലവില്‍ വന്ന ഇപ്പോഴത്തെ KSRTC എന്ന് പറയുന്ന ഈ പൊതു മേഘലാ സ്ഥാപനം നഷ്ടത്തിലാണ് ഓടുന്നത് എന്ന് പറഞ്ഞാല്‍ വിശ്വസിക്കാന്‍ അല്‍പ്പം പ്രയാസം ഉണ്ട്. എന്ന് തുറന്നു പറയട്ടെ. കാരണം ഒരു സ്വകാര്യ ബസ്സും ഒരു ആനവണ്ടിയും എടുത്ത് പരിശോധിച്ചാല്‍ വളരെ  വെക്തമായി മനസ്സിലാക്കാന്‍ കഴിയുന്ന ഒന്നാണ് .

കേരളത്തിലെ  ഒരു പ്രൈവറ്റ് ബസ്സിനു ലഭിക്കുന്ന അതെ വരുമാനം KSRTC ക്കും ലഭിക്കുന്നുണ്ട് എന്നാല്‍ നേരാം വണ്ണം നടത്തുകയാണെങ്കില്‍ പ്രൈവറ്റ് ബസ്സിന്‍റെ  60%ചെലവ് മാത്രമേ  ഒരു ആന വണ്ടിക്ക് വരികയോള്ളൂ , ഇപ്പോള്‍ കേന്ദ്രം നിര്‍ത്തലാക്കിയ ഡീസല്‍ സബ്സീടി തന്നെ നോക്കുക ഒരു ലിറ്റര്‍ ഡീസലിന് KSRTC പത്തു രൂപയുടെ മുകളില്‍ വില കുറച്ചു കിട്ടിയിരുന്നപ്പോള്‍ സ്വകാര്യ ബസ്സുകള്‍ ആനവണ്ടിയെക്കാളും കൂടുതല്‍ കാശ് നല്‍കിയാണ്‌ സര്‍വീസ് നടത്തുന്നത് . ഒരുദിവസം ഒരു സ്വകാര്യ ബസ്സിനു എണ്‍പത്തി അഞ്ചു മുതല്‍ നൂറ്റി ഇരുപത് ലിറ്റര്‍ വരെ ആണ് ഡീസല്‍ ഉപയോഗം അതായത് ഈ ഇനത്തില്‍ തന്നെ ഒരു ആന വണ്ടിക്ക് ലഭിച്ചിരുന്ന ലാഭം 850 രൂപ മുതല്‍ 1200 രൂപവരെ  അതായാത് സ്വകാര്യ ബസ്സുകളില്‍ രണ്ടു തൊഴിലാളികള്‍ക്ക് കൊടുക്കുന്ന കൂലി  .

ഒരു സ്വകാര്യ ബസ്സിനു ശരാശരി ബസ് സ്റ്റാണ്ട് ഫീ,  പിസി ഫണ്ട് ബസ് ക്കോളര്‍  ഫീ തുടങ്ങിയ ഇനത്തില്‍ ഒരു ദിവസം ചിലവാകുന്നത് 60രൂപ മുതല്‍ 200 രൂപ വരെ  ആവുമ്പോള്‍ KSRTC ക്ക് ചിലവാകുന്നത്  പൂജ്യം രൂപയാണ് . അതായത് ഒരു ദിവസത്തെ ഉപയോഗത്തിന് ആവശ്യമായ ഗ്രീസ്, വേസ്റ്റ് തുടങ്ങിയ കാര്യങ്ങള്‍ക്ക് ചിലവാക്കുന്ന സംഖ്യ ആ ഇനത്തില്‍ ലഭ്യമാകുന്നു .
ഇനി ജീവനക്കാരുടെ കാര്യത്തില്‍ ആണെങ്കില്‍ ഒരു സ്വകാര്യ ബസ്സ് കൊണ്ട് പ്രത്യക്ഷത്തില്‍ എട്ടു ജീവനക്കാര്‍ക്കും പരോക്ഷമായി വേറെ ഒരു രണ്ടു ആളുകള്‍ക്കും അടക്കം പത്താളുകള്‍ക്ക് ഉപജീവനത്തിന് ഇത് ഉപകാര പെടുമ്പോള്‍ നമ്മള്‍ക്ക് കൂടി അവകാശ പെട്ട ഈ തകര പാട്ട കൊണ്ട്  ശരാശരി എഴു പേരില്‍ കൂടുതല്‍ ജീവനക്കാരില്ല എന്നതും ചിന്തിക്കേണ്ട വസ്തുതയാണ് .അവിടേയും മൂന്ന് തൊഴിലാളികളുടെ വേദനം KSRTCക്ക് ലാഭം .  


ഇങ്ങനെ തുടങ്ങി ഈ പൊതു മേഘലാ സ്ഥാപനവും സ്വകാര്യ സ്ഥാപനവും തമ്മില്‍ തുലനം നടത്തിയാല്‍ നമുക്ക് കാണാന്‍ കഴിയുക  രാവും പകലും തമ്മിലുള്ള വരവ് ചെലവ് കണക്കുകള്‍ ആണ്. ഒരു പുതിയ ബസ്സിന്‍റെ ചെയ്സ് വാങ്ങി ബോഡി കെട്ടി പുറത്തു ഇറക്കി റോഡിലൂടെ ഓടിച്ചു അവസാനം കാലഹരണ പെട്ട് തുരുംബെടുത്ത് തൂക്കി വില്‍ക്കുമ്പോള്‍ അടക്കം ഈ വെള്ളാനക്ക് കിട്ടുന്നത് ഒരു സ്വകാര്യ സംരബത്തിനു കിട്ടുന്നതിനേക്കാള്‍ എത്രയോ വലുതാണ്‌ പിന്നെ എവിടെയാണ് ഇതിനു നഷ്ടം സംഭവിക്കുന്നത് . ഏതു അടച്ചാല്‍ അടയാത്ത തുളയിലൂടെയാണ്‌ ചോര്‍ച്ച സംഭവിക്കുന്നത്. എന്ന് ചോദിച്ചാല്‍ എല്ലാര്‍ക്കും പറയാന്‍ ഉള്ളത് ഉദ്യോഗസ്ഥരെ തന്നെയാണ് .


ഉദ്ദ്യോഗസ്ഥര്‍ എന്ന് പറയുമ്പോള്‍ ഞാന്‍ സധൈര്യം പറയുന്നു .അതിന്‍റെ താഴെ തട്ടില്‍ വിയര്‍പ്പൊഴുക്കി അദ്ദ്വാനിക്കുന്ന ഡ്രൈവര്‍ കണ്ടക്റ്റര്‍  ചെക്കര്‍ തുടങ്ങി  മഴയും വെയിലും രാവും പകലും ഒന്നും നോക്കാതെ ജോലി ചെയ്യുന്ന പാവങ്ങള്‍ അതില്‍ നിന്ന് ഒരു ചില്ലിക്കാശു പോലും കൈ കൊണ്ട് തൊടുന്നില്ല .അവര്‍ വളരെ ആത്മാര്‍ത്ഥതയോടെ  ജോലി ചെയ്യുമ്പോള്‍ അത് കട്ട് മുടിക്കുന്ന ഡിപ്പോകളിലെ ചീമ പന്നികളെ ആണ് ഉലക്കക്കടിച്ച് നേരെ ആക്കേണ്ടത്  . അതിനുള്ള ഇച്ചാശക്തി ഉള്ള സര്‍ക്കാര്‍ ഇവിടെ ഇല്ലാത്ത കാലത്തോളം  ഈ വെള്ളാനയെ കൊല്ലുക തന്നെയാണ് നല്ലത് . അത് കൊണ്ട് ഒരു മുസീബത്തും നാട്ടില്‍ ഉണ്ടാവാന്‍ പോകുന്നില്ല കാരണം അതിലെ പാവങ്ങളായ തൊഴിലാളികള്‍ക്ക് സ്വകാര്യ മേഘലയില്‍ ജോലി ലഭിക്കും അവര്‍ക്കൂടെ ആവശ്യം ഉണ്ടെങ്കില്‍ . ബാക്കി വരുന്ന ചീമ പന്നികള്‍  അവരുടെ പാട് നോക്കി പോകട്ടെ . 

ഇപ്പൊ മനസ്സിലായില്ലേ ഞമ്മളെ ഖല്‍ബിലെ പാട്ട്  എന്തിനാണെന്ന് 
ഈ വണ്ടി ചോറുകളുടെ കളസം കീറാന്‍ പോക്കുന്ന സന്തോഷത്തിലാ  
ഇതാ പോകുന്നേ ... നാരീ 
ഇതാ പോകുന്നേ

91 അഭിപ്രായങ്ങൾ:

  1. Full kanakku niratthiyaanallo kombante Kali !! Pettennonnum poottilla !! Ithokke drama maathram!!

    മറുപടിഇല്ലാതാക്കൂ
  2. സ്വകര്യബസ്സു മുതലാളിമാരില്‍ നിന്നും ഒരു സംഖ്യ എണ്ണി വാങ്ങി കൈ കൊടുത്തു പിരിഞ്ഞപ്പോള്‍ ഓര്‍ത്തില്ല മൂട്ടിനു തീ പിടിക്കും എന്ന് ...
    ഡ്രൈവര്‍ , കണ്ടക്ടര്‍ , താഴെതട്ടിലുള്ള വര്‍ക്ക്‌ഷോപ്പ് - മറ്റു തൊഴിലാളികള്‍ എന്നിവരെ ഒഴിച്ച് ബാക്കിയെല്ലാവരെയും പിരിച്ചു വിടണം , ഇത് വരെ കിട്ടാനുള്ള ആനുകൂല്യങ്ങള്‍ മാത്രം കൊടുത്തു കൊണ്ട് .

    മറുപടിഇല്ലാതാക്കൂ
  3. കയ്യിട്ടു വാരുന്നവര്‍ കുറച്ചെങ്കിലും മാറ്റി വെച്ചാല്‍

    മറുപടിഇല്ലാതാക്കൂ
  4. കൊമ്പാ , കസറീ ...
    ഈ കണുക്കള്‍ ഞെട്ടിക്കുന്നത് തന്നെ ..
    എന്നിട്ടും എന്തേ നമ്മുടെ ആന വണ്ടിക്ക് പറ്റീ ..
    വിയര്‍പ്പൊഴുകുന്ന തൊഴിലാളികളേ കാണാതെ
    ഡിപ്പൊകളിലിരുന്നു കക്കുന്ന പന്നികളേ സര്‍ക്കാര്‍ക്ക്
    തൊടനാകുമോ . സംഘടനകള്‍ കൊടി പിടിക്കും ...
    എങ്കിലും നിര്‍ത്തലാക്കി പൊകുന്നു എന്നു കേള്‍ക്കുമ്പൊള്‍
    ഗൃഹാതുരമായ ചില ഓര്‍മകള്‍ നോവിക്കുന്നുണ്ട് ..
    കൂടേ ഒട്ടേറെ കുടുബങ്ങളുടെ പട്ടിണിയും ...
    " അമ്മിണിയോടുള്ള" ഉപമ കേറിയങ്ങ് കൊണ്ട് കേട്ടൊ ..
    എങ്കിലും ഉള്ളില്‍ ചിരിച്ചല്ലൊ ദുഷ്ടാ ..
    നോക്കിക്കൊ ഇന്നുറങ്ങുമ്പൊള്‍ ആന വണ്ടി ഇടിക്കുന്നത്
    സ്വപ്നം കാണട്ടേ . സ്നേഹപൂര്‍വം

    മറുപടിഇല്ലാതാക്കൂ
  5. ഏത് വഴിയാണ് ചോർച്ചയെന്നത് പലരും ശ്രമിച്ചിട്ടും കാണാത്തത്തും കണ്ടവർ കണ്ടവർ മിണ്ടാത്തതുമായ ഒരു വലിയ രഹസ്യമാണ്.ഗണേഷൻ മന്ത്രിയായിരുന സമയത്ത് നഷ്ടത്തിൽ നിന്നും കരയിലേക്ക് നീങ്ങിത്തുടങ്ങിയ ആന, മകനെതാഴെയിറക്കി അച്ഛൻ പാപ്പാനായതോടെ പ്രതാപത്തോടെത്തന്നെ നഷ്ടത്തിലേക്ക് തിരിച്ചു നടന്നു. മലബാറിലൊക്കെ ആളെക്കുത്തി നിറച്ച ആനവണ്ടികളാണെങ്കിൽ മറ്റു ചില ജില്ലകളിൽ കാലിയടിക്കുന്ന ആനക്കൂട്ടങ്ങൾ തന്നെ കാണാം. അവിടെയാണ് നഷ്ടത്തിന്റെ ഒരു കളി. പിന്നെ അനാവശ്യ റൂട്ടുകളിലെ അമിത സർവ്വീസും അവശ്യറൂട്ടുകളിലെ അവഗണനയും. 

    പ്രൈവറ്റ് ബസ്സുകാരുടെ പള്ളക്കടിക്കുന്നു എന്ന പേരിൽ സർക്കാർ ശകടത്തെ പ്രാകല്ലേ. എങ്ങാണ്ടോ ഒരു "ഡ്രൈവറെ തോണ്ടി", "കണ്ടകടറെ കണ്ണുരുട്ടി" എന്നൊക്കെപ്പറഞ്ഞ് മിന്നൽ പണിമുടക്കുമ്പം പാവം നാട്ടുകാർക്ക് ഈ വയസ്സായ അമ്മിണിയമ്മ തന്നെ ശരണം. സ്കൂളിന് മുന്നിൽ ജീവൻ പണയം വെച്ച് തടഞ്ഞു നിർത്തി ബസ്സ് കയറി വീടണഞ്ഞ രണ്ട് വർഷം മനസ്സിൽ ഇന്നും പേടിപ്പിക്കുന്ന ഓർമ്മകൾ മാത്രം! 
    അക്ഷരത്തെറ്റുകളെ കണ്ടു പിടിക്കൂ. സ്കൂൾകുട്ടികളെ ബസ്സിൽ നിന്നും പിടലിപിടിച്ച് പുറത്തിടുന പോലെ അക്ഷരപ്പിശാചുക്കളെ പിടിച്ചിറക്കൂ :-)

    മറുപടിഇല്ലാതാക്കൂ

  6. മൂസാക്ക ...കലക്കി ഈ പോസ്റ്റ് ..ഒരു അനുസ്മരണ സമ്മേളനം കൂടിയ സുഖം ..അതല്ലെങ്കില്‍ ഒരു KSRTC ബസ് ചരിത്ര ക്ലാസ് കേട്ട പോലെ ..അതുമല്ലെങ്കില്‍ വല്ലാത്തൊരു തരം nostalgic ഫീല്‍ കിട്ടിയ പോലെ...അങ്ങിനെ കുറെയേറെ കാര്യങ്ങള്‍ തോന്നിപ്പോയി ഇത് വായിച്ചപ്പോള്‍ .. എഴുത്തിന്റെ അവസാനം എത്തിയപ്പോഴേക്കും മനസ്സില്‍ എവിടെയൊക്കെയോ ഒരു വേദന സമ്മാനിക്കുന്ന തരത്തിലെക്കും ലേഖനം പോയിരിക്കുന്നു എന്നു പറയാതെ വയ്യ . നമ്മുടെ നാടും സര്‍ക്കാരും എങ്ങോട്ടാണ് ഇവ്വിധം പോകുന്നത് ?

    മൂസാക്ക എഴുത്തില്‍ ഒരുപാട് ഇമ്പ്രൂവ് ചെയ്തിരിക്കുന്നു...പഴയ പോലെ അക്ഷരത്തെറ്റുകള്‍ ഒന്നും തന്നെ ഇപ്പോള്‍ കാണാന്‍ ഇല്ല. (ചിലയിടങ്ങളില്‍ ഒഴിച്ച് ). ശരിക്കും ഈ വിഷയം പഠിച്ച ഒരാള്‍ക്ക്‌ മാത്രമേ ഈ ലേഖനം നല്ല രീതിയില്‍ തുടങ്ങി അവസാനിപ്പിക്കാന്‍ സാധിക്കൂ.. അത് നിങ്ങള്‍ വളരെ മനോഹരമായി തന്നെ നിര്‍വഹിച്ചിരിക്കുന്നു .

    ഒരിക്കല്‍ കൂടി അഭിനന്ദനങ്ങള്‍ ...ആശംസകള്‍ ..

    മറുപടിഇല്ലാതാക്കൂ
  7. ഇത് കലക്കി ഭായി
    അല്ലാ താങ്കൾക്കൊക്കേ ഇത് അറിയൂ കാരണം ഈ മേഖലയിൽ ഇത്ര ഇക്സ്പേർട്ടായ മറ്റൊരു ബ്ലോഗർ ചിലപ്പോ ഉണ്ടാവില്ല.............
    ഈ നാട് നന്നാകണമെങ്കിൽ ആദ്യം ആ ചോർച്ച തറയണം

    മറുപടിഇല്ലാതാക്കൂ
  8. ആ നഷ്ട്ടം സര്‍ക്കാര്‍ താങ്ങണ്ട കാര്യമില്ലല്ലോ എന്ന് സമാധാനിക്കാം

    മറുപടിഇല്ലാതാക്കൂ
  9. ഏതു അടച്ചാല്‍ അടയാത്ത തുളയിലൂടെയാണ്‌ ചോര്‍ച്ച സംഭവിക്കുന്നത്. എന്ന് ചോദിച്ചാല്‍ എല്ലാര്‍ക്കും പറയാന്‍ ഉള്ളത് ഉദ്യോഗസ്ഥരെ തന്നെയാണ് ..............അത് പരിശോധിക്കപ്പെടെണ്ട വിഷയം തന്നെ,, അതോടൊപ്പം, സര്‍വീസിലെ ലാഭം നോക്കാതെ അതിനെ സേവനമാക്കുന്ന റൂട്ടുകളും ഉണ്ടായേക്കാം..

    മറുപടിഇല്ലാതാക്കൂ
  10. ഒരു ശിഷ്യന്റെ രോദനം :) സംഭവം ഒരുതരം നാടകമല്ലെ മൂസാക്കാ ഇതൊക്കെ എന്നുമുതല്‍ കേള്‍ക്കുന്നതാ ഈ നഷ്ട്ടകണക്ക്. ഈ സാഹചര്യത്തില്‍ ഇത്തരമൊരു രചന കൊള്ളാം.

    മറുപടിഇല്ലാതാക്കൂ
  11. എയര്‍ ഇന്ത്യയുടെയും, ആന വണ്ടിയുടെയും നഷ്ട കണക്കുകള്‍,
    ഇക്കാലമത്രെയും, കൂടുതല്‍ എഴുതി തളളാന്‍ ഉള്ള ഒരു ഉപാധി ആയി
    പലപ്പോഴും തോന്നിയിട്ടുണ്ട്. എഴുത്ത് കൊള്ളാം

    മറുപടിഇല്ലാതാക്കൂ
  12. നല്ലൊരു പോസ്റ്റ്‌.. പക്ഷെ കഴിഞ്ഞ തവണ വയനാട്ടില്‍ ബത്തേരി ഡിപ്പോയില്‍ കണ്ടക്ടര്‍മാര്‍ നടത്തിയ വെട്ടിപ് ഇരുപത്തോന്നു ലക്ഷത്തിന്റെതാണ്... അതിനു മുകളില്‍ ഇരിക്കുന്ന ഉധ്യോഗസ്തര്‍ക്കുമുണ്ട് പങ്ക്... ഈ ഉദ്യോഗസ്ഥപ്രമുഖഗരാന് ഈ കൊള്ളക്ക് പിന്നില്‍..,,, അതും പ്രബുധര്‍ എന്ന് വിളിക്കുന്ന മലയാളികളുടെ നാട്ടില്‍... :)ആശംസകള്‍

    മറുപടിഇല്ലാതാക്കൂ
  13. എന്നാലും നമ്മുടെ ആനവണ്ടി..

    ഒള്ളതാ...

    മറുപടിഇല്ലാതാക്കൂ
  14. KSRTC യ്ക്ക് ഉള്ള ജീവനക്കരെക്കള്‍ കൂടുതല്‍ പെന്‍ഷന്‍ വാങ്ങുന്ന പഴയ ജീവനക്കാര്‍ ഉണ്ടെന്നാണ് കണക്ക്.. ആ രീതിയിലും ഇത് നഷ്ടത്തിലോടാം..
    ഉദ്യോഗസ്ഥരുടെ ധൂര്‍ത്തും കള്ളക്കണക്കുകളും ഇതിലും കാണും...

    നന്നായി തന്നെ എഴുതി.. പിന്നെ ഇങ്ങളെ പോലുള്ളവര്‍ ഇപ്പോഴും ആ പഴയ പ്രാക്ക് തുടര്‍ന്നാല്‍ , ഇതൊക്കെ എങ്ങനെ നന്നാകും..

    സ്വകാര്യവണ്ടികള്‍ക്ക് വേണ്ടി പ്രാര്‍ത്ഥിക്കുമ്പോള്‍ , പാവം ആനവണ്ടിയെ പ്രാകരുത്... :)

    ഉടനെ പൂട്ടിക്കെട്ടുമെന്ന പ്രതീക്ഷയും വേണ്ട...

    മറുപടിഇല്ലാതാക്കൂ
  15. നല്ല കഥ ..ഇതു വായിച്ചപോള്‍ ഒരു രസികന്‍ ചോദിച്ചത് ഓര്‍മവന്നു ..അന്ന് ഞാന്‍ +2 പടികുമ്പോള്‍ ബസ്‌ കയറാന്‍ കൊണ്ടോട്ടി സ്റ്റാന്‍ഡില്‍ കാത്തുനില്കുകയായിരുന്നു..നല്ല പ്രായമുള്ള ഒരാള്‍ വന്നു ചോദിച്ചു. മോനെ.. ഈ എടവണ്ണപ്പാറക്കുള്ള ഏട്ടരകുള്ള ആനബസ് എപ്പഴാണ് എന്ന്..മറുപടി പറയുന്നതിനെകാല്‍ ഞാന്‍ സ്രെമിച്ചത് ചിരികാതിരികനാണ്..പക്ഷെ അവര് പറയുന്നതിലും കാര്യമുണ്ട്..തടി അനങ്ങാതെ വീട്ടിലെത്താന്‍ ആനബസ് ആണ് ഉത്തമം..പ്രൈവറ്റ്‌ ബസിലാണ് അന്ന് ദൂരയാത്ര എങ്കില്‍ ശരീരത്തില്‍ എണ്ണ തേച്ചു കയറിയാല്‍ ഉഴുച്ചില്‍ കഴിഞ്ഞുകിട്ടും എന്നൊരു നര്‍മ പ്രയോഗം പോലുമുണ്ട് ഇവരുടെ ഇടയില്‍ ..

    മറുപടിഇല്ലാതാക്കൂ
  16. ഉദ്ദ്യോഗസ്ഥര്‍ എന്ന് പറയുമ്പോള്‍ ഞാന്‍ സധൈര്യം പറയുന്നു .അതിന്‍റെ താഴെ തട്ടില്‍ വിയര്‍പ്പൊഴുക്കി അദ്ദ്വാനിക്കുന്ന ഡ്രൈവര്‍ കണ്ടക്റ്റര്‍
    ചെക്കര്‍ തുടങ്ങി മഴയും വെയിലും രാവും പകലും ഒന്നും നോക്കാതെ
    ജോലി ചെയ്യുന്ന പാവങ്ങള്‍ അതില്‍ നിന്ന് ഒരു ചില്ലിക്കാശു പോലും കൈ കൊണ്ട് തൊടുന്നില്ല .അവര്‍ വളരെ ആത്മാര്‍ത്ഥതയോടെ ജോലി ചെയ്യുമ്പോള്‍ അത് കട്ട് മുടിക്കുന്ന ഡിപ്പോകളിലെ ചീമ പന്നികളെ ആണ് ഉലക്കക്കടിച്ച് നേരെ ആക്കേണ്ടത് ....
    അതിനുള്ള ഇച്ചാശക്തി ഉള്ള സര്‍ക്കാര്‍
    ഇവിടെ ഇല്ലാത്ത കാലത്തോളം ഈ വെള്ളാനയെ
    കൊല്ലുക തന്നെയാണ് നല്ലത് ....!

    മറുപടിഇല്ലാതാക്കൂ
  17. അങ്ങനെ കൊല്ലാന്‍ വരട്ടെ മൂസ...
    ഇതും കൂടി പൂട്ടിയാല്‍ പിന്നെ പ്രൈവറ്റ്
    കാരെ പിടിച്ചാല്‍ കിട്ടുമോ???

    നന്നായി എഴുതി കേട്ടോ.ആശംസകള്‍..

    മറുപടിഇല്ലാതാക്കൂ
  18. അനുഭവങ്ങളിലെ അറിവുകള്‍പ്പുറം വേറൊരു വിശകലനത്തിന്റെ ആവശ്യമില്ല.ലേഖനം രസകരമായ് സത്യസന്ധമായും ചിലകാര്യങ്ങള്‍ പറഞ്ഞു.ആശംസകള്‍

    മറുപടിഇല്ലാതാക്കൂ
  19. എല്ലാം പറയാന്‍ കൊള്ളാം .. പക്ഷെ വല്ലതും നടക്കുമോ എന്ന് ചോദിച്ചാല്‍ .... അങ്ങനെ ചോദിക്കരുത് .. പണ്ട് ബസ്സില്‍ പോയത് KSRTC യെ കുറിച്ച് ആധികാരികമായി പറയാന്‍ സഹായിച്ചല്ലേ ..

    മറുപടിഇല്ലാതാക്കൂ
  20. KSRTC യെ കുറിച്ച് കുറെ കാര്യങ്ങള്‍ ഇപ്പോഴാണ് മനസ്സിലായത്‌. ഇത്തവണ നാട്ടില്‍ പോയപ്പോള്‍ അലിഗഡ്‌ ഭാഗത്തൂടെ വെള്ള പെയിന്റ് അടിച്ച KSRTC Ordinary എന്ന ഒരു ബസ്സ്‌ പോകുന്നത് കണ്ടു. ആന വണ്ടിയും ഇതും ഒരമ്മ പെറ്റ മക്കള്‍ തന്നെയാണോ?

    നല്ല പോസ്റ്റ്‌...

    മറുപടിഇല്ലാതാക്കൂ
  21. ആന വണ്ടിക്ക് പഴയ കിളിക്കൊമ്പന്റെ വമ്പന്‍ അടി...
    പോസ്റ്റ് നന്നയി.

    മറുപടിഇല്ലാതാക്കൂ
  22. ഡീസൽ സബ്സീഡി നിർത്തി എന്നു കേൾക്കുമ്പോൾ നാമൊക്കെ തെറ്റായാണ് ധരിച്ചതെന്ന് തോന്നുന്നു.
    ഈ വാർത്ത നോക്കൂ.. http://www.madhyamam.com/news/210486/130126

    കൊമ്പൻ മറ്റൊരു സുപ്രധാന കാര്യം കൂടി മറന്നു. കെ എസ് ആർ ടി സി ജീവനക്കാർക്ക് സ്വകാര്യബസ്സുകളിലേതിനെക്കാൾ കൂടുതൽ ശമ്പളവും ആനുകൂല്യങ്ങളും ലഭിക്കുന്നുണ്ട്. ( അതേ ശമ്പളവും ആനുകൂല്യങ്ങളും വേണം എന്ന ആവശ്യമുന്നയിച്ചാണല്ലൊ മൂന്നാഴ്ച്ച മുമ്പ് സ്വകാര്യ ബസ് ജീവനക്കാർ പണിമുടക്ക് നടത്തിയത്). വിരമിച്ച ജീവനക്കാർക്ക് പെൻഷൻ ലഭിക്കുന്നുണ്ട്.

    ഇങ്ങനെയൊക്കെയാണെങ്കിലും, കൊമ്പൻ ചൂണ്ടി കാട്ടിയ മറ്റു കാരണങ്ങൾ വച്ചു തന്നെ കെ എസ് ആർ ടി സി ക്ക് പല മെച്ചങ്ങളുമുണ്ടെന്ന് വ്യക്തമാണ്. അതിനു പുറമെയാണ് ബൾക്ക് ആയി സ്പെയർ പാർട്ടുകളും ബസ്സുകളും ഒക്കെ ലഭിക്കുമ്പോൾ കിട്ടുന്ന ലാഭം. 1000 ബസ്സുകൾ ഒരുമിച്ച് ഓർഡർ ചെയ്താൽ നല്ലൊരു തുക കമ്മീഷൻ ലഭിക്കുന്നുണ്ട്. മന്ത്രിമാരുടെയും ഉദ്യോഗസ്ഥരുടെയും കീശയിലേക്ക് പോയിരുന്ന ആ പണം കൊണ്ടു കൂടി ബസ്സുകൾ വാങ്ങാൻ തീരുമാനിച്ചത് ശ്രീ തോമസ് മാത്യ ഗതാഗത മന്ത്രിയായിരിക്കുമ്പോഴാണെന്നാണ് ഓർമ്മ.

    വലിയ അളവിലുള്ള ചോർച്ചകൾ നടക്കുന്നത് ഇപ്പോഴും മേൽത്തട്ടിൽ തന്നെ. അതേ സമയം,ചെറിയ ചില അടിച്ചു മാറ്റലുകൾ മിക്ക ജീവനക്കാരുടെയും ഭാഗത്തു നിന്നും ഉണ്ട്. ( അത് സ്വകാര്യ ബസ്സുകളിൽ പോലുമുണ്ട് എന്നാണ് കണ്ടറിഞ്ഞിട്ടുള്ളത്.. )

    സ്വകാര്യ മുതലാളിമാർക്ക് ലാഭമില്ലാതെ ഒന്നും നടപ്പാക്കാൻ കഴിയില്ല. പക്ഷെ ഒരു ഗവണ്മെന്റിന് എല്ലാ കാര്യങ്ങളിലും ലാഭം നോക്കാൻ കഴിയില്ല, പാടില്ല. സാമൂഹ്യസുരക്ഷ എന്നൊരു വലിയ ഉത്തരവാദിത്തം അതിന്റെ തോളിലുണ്ട്. ലാഭത്തെക്കാളുപരി ഉത്തരവാദിത്തം ഓർത്തു വെയ്ക്കുന്ന ഒരു സർക്കാരിന് എല്ലാ റൂട്ടുകളിലും ബസ്സുകൾ ലാഭത്തിലോടിക്കാൻ കഴിയില്ല. ആ നഷ്ടം സഹിക്കേണ്ടത് ജനങ്ങൾ തന്നെയാണ്, തങ്ങളിൽ തന്നെ ചിലരുടെ ജീവിതം നിലനിർത്തുന്നതിനു വേണ്ടി.

    മറുപടിഇല്ലാതാക്കൂ
    മറുപടികൾ
    1. ശ്രീ തോമസ് മാത്യ >> മാത്യു ടി തോമസ് എന്ന് തിരുത്തി വായിക്കുക

      ഇല്ലാതാക്കൂ
  23. എനിക്ക് ഒരു വല്യ സംശയം ഉണ്ടാരുന്നു.. ഒരു ബസ്സിന് എത്ര ഡീസല്‍ വേണ്ടി വരും ഒരു ദിവസം എന്ന്... അത് അങ്ങ് തീര്‍ന്നു... ആന വണ്ടി നഷ്ടത്തില്‍ വരാന്‍ ഒരു കാരണം ജീവനക്കാര്‍ക്ക്‌ നല്‍കുന്ന വേതനവും ആനുകൂല്യങ്ങളും ആണ് എന്ന് തോന്നുന്നു... എന്തായാലും മനസ് വെച്ചാല്‍ ഇത് ലാഭത്തില്‍ എത്തിക്കാന്‍ ആവും എന്ന് ഈ ലേഖനം വായിച്ചപ്പോള്‍ തോന്നി... പക്ഷെ മനസ് വെക്കണം.... നല്ല കുറിപ്പ്... ആശംസകള്‍

    മറുപടിഇല്ലാതാക്കൂ
  24. പ്രൈവറ്റ് ബസ്സുകള്‍ കേരളീയ ജീവിതത്തില്‍ നിര്‍ണ്ണായകം തന്നെ. പക്ഷെ ജീവന്‍ പണയം വെച്ച് അതില്‍ യാത്ര ചെയ്യണം. അവരുടെ അശ്രദ്ധമായ ഡ്രൈവിംഗ് വെച്ച് നോക്കുമ്പോള്‍ ആനവണ്ടി ഭേദമാണ്. പിന്നെ ഏതെങ്കിലും സ്ടാന്റില്‍ നിന്നും ഒരു ആനവണ്ടി ലാഭത്തില്‍ സര്‍വ്വീസ് നടത്തുന്നുണ്ടെങ്കില്‍ അതിനെ പാരവെച്ചു പൊളിക്കാന്‍ സ്വകാര്യ മുതലാളിമാര്‍ അരയും തലയും മുറുക്കി രംഗത്ത് ഉണ്ട്. ആനവണ്ടിക്ക് നിങ്ങള്‍ പറഞ്ഞ തരത്തിലുള്ള വരുമാനം ഉണ്ട്. പക്ഷെ പെന്‍ഷന്‍ തുടങ്ങിയ വേണ്ടാത്ത ചെലവുകള്‍ ഏറെയാണ്‌. പിന്നെ കസ്റ്റമര്‌ സര്‍വ്വീസ് സ്വകാര്യ ബാസ്സുകളുടെതാണ് കുറച്ചു മെച്ചം.

    മറുപടിഇല്ലാതാക്കൂ
  25. താഴെ തട്ടില്‍ വിയര്‍പ്പൊഴുക്കി അദ്ദ്വാനിക്കുന്ന ഡ്രൈവര്‍ കണ്ടക്റ്റര്‍ ചെക്കര്‍ തുടങ്ങി മഴയും വെയിലും രാവും പകലും ഒന്നും നോക്കാതെ ജോലി ചെയ്യുന്ന പാവങ്ങള്‍ അതില്‍ നിന്ന് ഒരു ചില്ലിക്കാശു പോലും കൈ കൊണ്ട് തൊടുന്നില്ല .അവര്‍ വളരെ ആത്മാര്‍ത്ഥതയോടെ ജോലി ചെയ്യുമ്പോള്‍ അത് കട്ട് മുടിക്കുന്ന ഡിപ്പോകളിലെ ചീമ പന്നികളെ ആണ് ഉലക്കക്കടിച്ച് നേരെ ആക്കേണ്ടത് .

    ഇത് തന്നെയാണ് കാര്യം. ഉദ്യോഗസ്ഥ വൃന്ദത്തിന്റെ കളികള്‍ തന്നെയാണ് ഇത്തരം പൊതുമേഖലാ സ്ഥാപനങ്ങളുടെ മരണ മണി മുഴക്കുന്നത്.

    കണക്കുകള്‍ നിരത്തി നന്നായി പറഞ്ഞു കൊമ്പാ ...

    മറുപടിഇല്ലാതാക്കൂ
  26. ((താഴെ തട്ടില്‍ വിയര്‍പ്പൊഴുക്കി അദ്ദ്വാനിക്കുന്ന ഡ്രൈവര്‍ കണ്ടക്റ്റര്‍ ചെക്കര്‍ തുടങ്ങി മഴയും വെയിലും രാവും പകലും ഒന്നും നോക്കാതെ ജോലി ചെയ്യുന്ന പാവങ്ങള്‍ അതില്‍ നിന്ന് ഒരു ചില്ലിക്കാശു പോലും കൈ കൊണ്ട് തൊടുന്നില്ല .അവര്‍ വളരെ ആത്മാര്‍ത്ഥതയോടെ ജോലി ചെയ്യുമ്പോള്‍ അത് കട്ട് മുടിക്കുന്ന ഡിപ്പോകളിലെ ചീമ പന്നികളെ ആണ് ഉലക്കക്കടിച്ച് നേരെ ആക്കേണ്ടത് . ))
    Absar, you said it

    മൂസാ സേട്ട്, കിടിലന്‍............. ....,,, ഉര്ദ്ധ്വാന്‍ വലിക്കുന്ന ആനവണ്ടിക്കൊരു കൂദാശ....

    മറുപടിഇല്ലാതാക്കൂ
  27. നന്നായിരിക്കുന്നു ലേഖനം
    ആശംസകള്‍

    മറുപടിഇല്ലാതാക്കൂ
  28. കണ്ണൂള്ളപ്പോ കണ്ണിന്റെ വിലയറിയൂലാ

    മറുപടിഇല്ലാതാക്കൂ
  29. കൊമ്പാ കണക്കുകള്‍ അത്ര ശരിയല്ല.ഒരു പ്രൈവറ്റ് ബസിന് വേണ്ട തൊഴിലാളികളുടെ മൂന്നിരട്ടി പേര്‍ കെ.എസ്.ആര്‍.ടി.സിയിലുണ്ട്. പ്രൈവറ്റ് ബസ് കൊടുക്കുന്ന വേതനത്തിന്‍റെ എത്ര ഇരട്ടിയാണ് കെ.എസ്.ആര്‍.ടി.സിയുടെ ശമ്പള ചെലവ്.കൂടാതെ പെന്‍ഷന്‍. മാസത്തില്‍ മൂന്നും നാലും ദിവസം മാത്രം ജോലി ചെയ്തിരുന്നവര്‍ ഫുള്‍ പെന്‍ഷന്‍ വാങ്ങി നടക്കുന്നതും കാണുന്നുണ്ട്. ബസ്സിനു പോകേണ്ടി വരുമ്പോള്‍ ട്രാന്‍സ്പോര്‍ട് വണ്ടിയില്‍ മാത്രം കയറുന്ന ആളാണ് ഞാന്‍.അത് നില നില്‍ക്കുകയും വേണം.പക്ഷേ കുറച്ചു അഴിച്ചു പണികള്‍ കൂടിയേ തീരൂ.

    മറുപടിഇല്ലാതാക്കൂ
  30. തമാശയും കാര്യവും കൂട്ടിക്കുഴച്ചാണല്ലോ എഴുത്ത്..നന്നായിരിക്കുന്നു

    മറുപടിഇല്ലാതാക്കൂ
  31. അവതരണം രസമാക്കി. സര്‍ക്കാരുകളും കച്ചവടക്കാരാകുമ്പോള്‍ സാമുഹ്യസുരക്ഷ എന്നും പൊതുമേഖല എന്നും പറയുന്നത് പ്രസംഗിക്കാനുള്ള വാക്കുകള്‍ മാത്രമാകുന്നു. കക്കുന്നതിനേക്കാള്‍ നിലവാരമുള്ളതാണല്ലോ കമ്മീഷനും മാസപ്പടിയുമൊക്കെ!

    മറുപടിഇല്ലാതാക്കൂ
  32. കെ.എസ്.ആർ.ടി.സി യെയും പ്രൈവറ്റ് ബസ്സിനേയും ഉപമിച്ചിടത്ത് ചില പ്രശ്നങ്ങൾ ഉണ്ടെന്നു തോന്നുന്നു. പ്രൈവറ്റ് ബസ്സ് തൊഴിലാളികൾ നമ്മുടെ സമൂഹത്തിന്റെ ഭാഗം തന്നെയാണ്. എന്നാൽ ബസ് ഓപ്പറേറ്റ് ചെയ്യുന്ന സമയത്ത് അവർ മറ്റൊരു തരം പൗരന്മാരായി മാറുന്നതുപോലെ പലപ്പോഴും തോന്നിയിട്ടുണ്ട്. സ്റ്റോപ്പുകളിൽ നിർത്താതിരിക്കുക, ബസ്സിൽ കയറുന്ന വേളയിൽ യാത്രക്കാരെ ഇന്റർവ്യൂ ചെയ്യുക, തങ്ങൾക്ക് ഇഷ്ടമുണ്ടെങ്കിൽ മാത്രം ബസ്സിന്റെ ഡോർ തുറന്നുകൊടുക്കുക, കയറിയ യാത്രക്കാരോട് സാമാന്യമര്യാദപോലുമില്ലാതെ പരുഷമായി പെരുമാറുക - ഇങ്ങിനെ നിരവധി പ്രവർത്തനങ്ങളിലൂടെ പ്രൈവറ്റ് ബസ് തൊഴിലാളികൾ പൊതുസമൂഹത്തിന്റെ അസംതൃപ്തി നേടിയിട്ടുണ്ട്. തങ്ങളെപ്പോലെ തൊഴിൽ ചെയ്യാനായി പോവുന്നവരാണ് യാത്രക്കാരും എന്ന വർഗബോധം പോലുമില്ലാതെ യൂണിഫോം ധരിക്കുന്നതോടെ ഇങ്ങിനെ മാറിപ്പോവുന്നത് എന്തുകൊണ്ടാണെന്ന് ബസ് തൊഴിലാളികളായ എന്റെ ചില കൂട്ടുകാരോട് ഞാൻ പലപ്പോഴും ചോദിച്ചിട്ടുണ്ട്..

    എന്നാൽ കെ.എസ്.ആർ.ടി സിയിൽ ഇത്തരം പ്രശ്നങ്ങളൊന്നും കാണാറില്ല. പൊതുവെയുള്ള അപകടങ്ങളുടെ കുറവും,സുരക്ഷിതമായ യാത്രയും,മാന്യമായ പെരുമാറ്റവും കൂടിയാവുമ്പോൾ പൊതുജനങ്ങൾക്ക് പ്രൈവറ്റ് ബസുകളേക്കാൾ കെ.എസ്.ആർ.ടി.സി സ്വീകാര്യമായി മാറുന്നു...

    ഇന്നു പറഞ്ഞുകേൾക്കുന്ന പതനം കൊമ്പൻ പറഞ്ഞതുപോലെ പൊതുസമൂഹവുമായി ഇടപെടുന്ന സാധാരണക്കാരായ തൊഴിലാളികളുടെ സൃഷ്ടിയല്ല. ഉന്നതങ്ങളിലെ അഴിമതിയും, കെടുകാര്യസ്ഥതയും തന്നെയാണ് ജനങ്ങൾ ഇഷ്ടപ്പെടുന്ന നല്ലൊരു സർവ്വീസിനെ നശിപ്പിച്ചുകൊണ്ടിരിക്കുന്നത്

    മറുപടിഇല്ലാതാക്കൂ
  33. ആദ്യം തെറ്റായ ഒരു പ്രസ്ഥാവന നടത്തുക ,എന്നിട്ട് അതിനെ ആസ്പദമാക്കി വാദ്ങ്ങൾ നിരത്തുക എന്ന കുബുദ്ധിയാണു കാണിക്കുന്നത്.“ഒരു ലിറ്റര്‍ ഡീസലിന് KSRTC പത്തു രൂപയുടെ മുകളില്‍ വില കുറച്ചു കിട്ടിയിരുന്നപ്പോള്‍ സ്വകാര്യ ബസ്സുകള്‍ ആനവണ്ടിയെക്കാളും കൂടുതല്‍ കാശ് നല്‍കിയാണ്‌ സര്‍വീസ് നടത്തുന്നത് . ഒരുദിവസം ഒരു സ്വകാര്യ ബസ്സിനു എണ്‍പത്തി അഞ്ചു മുതല്‍ നൂറ്റി ഇരുപത് ലിറ്റര്‍ വരെ ആണ് ഡീസല്‍ ഉപയോഗം അതായത് ഈ ഇനത്തില്‍ തന്നെ ഒരു ആന വണ്ടിക്ക് ലഭിച്ചിരുന്ന ലാഭം 850 രൂപ മുതല്‍ 1200 രൂപവരെ അതായാത് സ്വകാര്യ ബസ്സുകളില്‍ രണ്ടു തൊഴിലാളികള്‍ക്ക് കൊടുക്കുന്ന കൂലി “
    ഒരിക്കൽ പോലും സ്വകാര്യ വണ്ടിക്ക് കിട്ടുന്നതിനേക്കാൾ കുറഞ്ഞ വിലക്ക് KSRTC ക്ക് കിട്ടിയിട്ടില്ല,പിന്നെങ്ങനെ 850-1200 രൂപ ളാഭം ലഭിക്കും.സ്വകാര്യ ബസിനു ബസ് സ്റ്റാന്റ് ഫീ കൊടുത്താൽ മതിയാകുമ്മ്ബസ് സ്റ്റാന്റ് ഉണ്ടാക്കാൻ പണം മുടക്കണ്ടല്ലൊ?നഷ്ടം വരുന്ന വഴി കാണാൻ ഒന്ന് ആന വണ്ടി വാങ്ങാൻ വായ്പ നൽകുന്ന സ്ഥാപനമായ കെ റ്റി ഡി എഫ് സി യെ കാണുക.43.5 കോടി അടച്ചു തീ ർത്ത മൂലധനം ഉള്ള അതിനു ബാധ്യതയെക്കാൾ 1000 ൽ പരം കോടിയുടെ ആസ്തി ഉണ്ട്.
    4.8 കോടി പ്രതിദിന കളക്ഷൻ : ഡീസൽ 1.96 കോടി,വായ്പാ പലിശ 2 കോടി ശമ്പളം 1.35 ,കോടി പെൻഷൻ 1 കോടി ടയർ റ്റ്യ്യൂബ് മുതലായവ 35 ലക്ഷം രൂപ(പ്രതിദിന വരുമാന അന്തരം 1.83 കോടി രൂപയാണു അതായത് മാസം 55 കോടി രൂപ)
    മറ്റൊന്ന് പെൻഷൻ ആണു.അത് നൽകുന്നത് നല്ലത് ആണോ എന്ന് വേറെ തീരുമാനിക്കാം,ഡിപ്പോകളീലെ ചീമ പന്നികൾ കട്ടുമടിക്കുന്നു എന്ന് വെറ്തെ പറഞ്ഞാൽ പോര.

    മറുപടിഇല്ലാതാക്കൂ
    മറുപടികൾ
    1. ഹഹഹ് അങ്ങിനെ എങ്കില്‍ ഇപ്പൊ വെട്ടി കുറച്ച സബ്സിഡി എന്ന് ഗതാഗത മന്ത്രിയും മാദ്യമങ്ങളും ഒക്കെ പറയുന്ന ഈ സബ്സീടി ഒരു ഭാവന ശ്രിഷ്ടി ആണ് അല്ലെ പിന്നെ ഇപ്പൊ എന്തിനാ ഈ ട്രിപ്പ് ഒക്കെ കട്ടാക്കിയത് ആ എനിക്കറീല

      ഇല്ലാതാക്കൂ
  34. KSRTC ഒരു ജീവിതാനുഭവം പോലെ കൊണ്ട് നടക്കുന്ന എനിക്ക് ഇഷ്ടമായി ആവശ്യം വേണ്ടിയിരുന്ന പോസ്റ്റ്‌

    മറുപടിഇല്ലാതാക്കൂ

  35. കൊല്ലല്ലേ ഈ ആന വണ്ടിയെ
    പ്രദീപ്‌ കുമാര്‍ പറഞ്ഞപോലെ
    പ്രൈവറ്റ് ബസ്സുകാര്‍ അവരുടെ കഴുത്തറക്കല്‍ പരിപാടിക്ക്
    ആക്കം കൂട്ടാന്‍ ഇങ്ങനെ ഒരു അവസരം പാര്‍ത്തിരിക്കുകയാണ്
    അതുകൊണ്ട്, കുറേക്കൂടി ശ്രദ്ധിച്ചാല്‍ ഇതൊക്കെ ഒഴിവാക്കാന്‍ പറ്റില്ലേ!
    പറ്റും എന്നാണ് എന്റെ ഉറച്ച വിശ്വാസം. പോസ്റ്റില്‍ നിന്നും ഈ ആനവണ്ടിയുടെ
    അറിയാത്ത പിന്നാമ്പുറ രഹസ്യങ്ങള്‍ പലതും അറിയാനിടയായി. എന്തായാലും
    ഈ ആനവണ്ടിയെ കൊല്ലാതിരിക്കുന്നതാ നല്ലതെന്ന് തോന്നുന്നു
    എഴുതുക അറിയിക്കുക. വീണ്ടും കാണാം

    മറുപടിഇല്ലാതാക്കൂ
  36. ഹാസ്യാത്മക ലേഖനം ആണെങ്കിലും പറഞ്ഞത് ചിന്തിക്കേണ്ട കാര്യങ്ങള്‍ തന്നെയാണ് .കുറെ കൂടി നല്ല ആശയങ്ങള്‍ പ്രവര്‍ത്തിക മാക്കിയാല്‍ ആനവണ്ടി നിലനിര്‍ത്താന്‍ ഗവേന്മേന്റ്റിനു കഴിയും .

    മറുപടിഇല്ലാതാക്കൂ
  37. ഉദ്ദ്യോഗസ്ഥര്‍ എന്ന് പറയുമ്പോള്‍ ഞാന്‍ സധൈര്യം പറയുന്നു .അതിന്‍റെ താഴെ തട്ടില്‍ വിയര്‍പ്പൊഴുക്കി അദ്ദ്വാനിക്കുന്ന ഡ്രൈവര്‍ കണ്ടക്റ്റര്‍ ചെക്കര്‍ തുടങ്ങി മഴയും വെയിലും രാവും പകലും ഒന്നും നോക്കാതെ ജോലി ചെയ്യുന്ന പാവങ്ങള്‍ അതില്‍ നിന്ന് ഒരു ചില്ലിക്കാശു പോലും കൈ കൊണ്ട് തൊടുന്നില്ല .

    മിക്കവാറും എല്ലാ സര്ക്കാര്‍ മേഖലയിലും കയ്യിട്ട് വാരലിന്റെ ആളുകള്‍ താഴെ തട്ടില്‍ ഉള്ള ജോലിക്കാര്‍ അല്ലല്ലോ ....

    നല്ല ലേഖനം ,,

    മറുപടിഇല്ലാതാക്കൂ
  38. കെ.എസ്.ആര്‍.ടി.സി. നഷ്ടത്തിലാവാനുള്ള കാരണം വ്യക്തമായി അവതരിപ്പിച്ചു. വിയര്‍പ്പൊഴുക്കുന്ന തൊഴിലാളികള്‍ക്ക് തൊഴില്‍ നഷ്ടപ്പെടരുത്. നല്ല എഴുത്ത്.

    മറുപടിഇല്ലാതാക്കൂ
  39. സത്യത്തിൽ ഇപ്പോഴും പ്രൈവറ്റ് ബസുകളെക്കാൽ എനിക്കിഷ്ടം KSRTC തന്നെയാണ്. അതു നില നിൽക്കേണ്ടത് പൊതു സമൂഹത്തിന്റെ ആവശ്യവും. പക്ഷെ തലപ്പത്തിരിക്കുന്ന ചില വെള്ളാനകളെ ഇറക്കിവിട്ടല്ലാതെ ഇതൊന്നും നേരെയാകാൻ പോകുന്നില്ല. ഒരു അഴിച്ചുപണി അത്യന്താപേക്ഷിതമാണെന്നതിൽ ഒരു തർക്കവുമില്ല..

    മറുപടിഇല്ലാതാക്കൂ
  40. ഒരു വണ്ടിക്കു പതിനോന്നാള് എന്നുള്ള കണക്കാണല്ലോ കേട്ടിട്ടുള്ളത് മൂസാക്കാ? പിന്നെ പെന്‍ഷന്‍ കൊണ്ട് മാത്രം ആണെന്ന് തോന്നുനില്ല ഈ നഷ്ട്ടക്കച്ചവടം, കാരണം പെന്‍ഷന്‍ തുടങ്ങിയിട്ട് അധികനാലായില്ല എന്നാല്‍ നഷ്ട്ടം പണ്ടേ ഉള്ളതും !


    മറ്റു സ്റ്റെറ്റു കല്‍ ലാഭത്തില്‍ നടത്തുമ്പോള്‍ ഇവിടെ എങ്ങനെ നഷ്ട്ടം വരുന്നു ? ആള്‍ക്കാര് കട്ടുമുടിക്കും അത്ര തന്നെ..പുതിയ ബസ് വാങ്ങുമ്പോള്‍ മുതല്‍ കമ്മീഷന്‍ തുടങ്ങും. അനാമത് ചിലവുകള്‍ നിയന്ത്രിക്കാന്‍ ആരുമില്ല . കാട്ടിലെ തടി എന്നാ മട്ടില്‍ ഉള്ള ജോലിക്കാരും .താഴെത്തട്ടിലുള്ള ജീവനക്കാര്‍ ഒരു ചില്ലിക്കാശു പോലും ഉണ്ടാക്കുന്നില്ല എന്നത് സമ്മതിക്കുന്നു. എന്നാല്‍ എത്ര പേര്‍ക്കുണ്ട് ജോലിയോട് അത്മാര്തത ? ഒരു സ്വകാര്യ ബസ് ജീവനക്കാരന് തന്റെ ബ സിനോടുല്ലുത് പോലെ എന്തെങ്കിലും ഒരു ആത്മാര്‍ഥത ഇവര്‍ക്കുണ്ടോ ?

    നഷ്ട്ടത്തില്‍ ഓടിയിരുന്ന റെയില്‍ വെ വരെ ലാഭത്തില്‍ ആയി. എന്നിട്ടെന്തേ നമുക്ക് ഇതൊന്നു ലാഭത്തിലാക്കാന്‍ പറ്റുന്നില്ല ? അതും ഒരു ബസ് എടുത്ത മുതലാളിമാര്‍ പല ബസ് എടുക്കുന്ന സമയത്ത് !

    മറുപടിഇല്ലാതാക്കൂ
  41. എങ്ങിനെ നോക്കിയാലും ലാഭത്തില്‍ ഓടേണ്ട KSRTC പിന്നെയും നഷ്ടത്തില്‍ തന്നെ. നമ്മുടെ എയര്‍ഇന്ത്യ പോലെ.

    മറുപടിഇല്ലാതാക്കൂ
  42. ഉദ്യോഗസ്ഥ ദുഷ്പ്രഭുക്കളുടെ പത്തി തല്ലിയൊടിക്കുകയാണ് ആദ്യം വേണ്ടത് . എന്നാല്‍ ഈ ആനവണ്ടി നന്നാവും. ലാഭത്തിലുമാകും. പല ജില്ലകളിലും ജനങ്ങള്‍ ഏറ്റവും കൂടുതല്‍ ആശ്രയിക്കുന്ന കെ എസ് ആര്‍ ടി സി യെ രക്ഷപ്പെടുത്തുവാന്‍ നട്ടെല്ലുള്ള ഒരു മന്ത്രി ഉണ്ടാവേണ്ടിയിരിക്കുന്നു. മാത്രമല്ല കാര്യഗൌരവമുള്ള ഉദ്യോഗസ്ഥരും. കൊമ്പാ ലേഖനം നന്നായിട്ടുണ്ട്. പക്ഷേ ആ ഡീസല്‍ ലാഭത്തിനൊക്കെ കിട്ടുന്ന കാര്യം പറഞ്ഞതില്‍ വ്യക്തത വന്നിട്ടില്ല. അതേ പോലെ തന്നെ ശമ്പളത്തിന്റെ കാര്യത്തിലും പ്രൈവറ്റ് ബസ്സ് സ്റ്റാഫുകളുടേതിനേക്കാല്‍ കൂടിയ ശമ്പളവും ആനുകൂല്യങ്ങളുമാണു ആനവണ്ടി സ്റ്റാഫുകള്‍ വാങ്ങുന്നതെന്നതാണ് യാഥാര്‍ത്ഥ്യം.

    മറുപടിഇല്ലാതാക്കൂ
  43. തല്ലണ്ട മൂസാക്കാ നന്നാവൂല്ല...
    ന്നാലും അങ്ങനങ്ങ് കൊല്ലാനും പറ്റൂല്ല...
    നമളീ കാണുന്നതൊക്കെ ഒരു കളിയാണ് . പ്രൈവറ്റ് മൊതലാളിമാരും . കയ്യിട്ടു വാരി ഉദ്യോഗസ്ഥന്മാരും കൂടെ കളിക്കുന്ന ഒരു അലമ്പന്‍ നാടകം .. അത് കാര്യതോടടുക്കുംബം കാണാം സമരോം ഇടപെടലുകളും ഒക്കെ . അപ്പോള്‍ ഈ തീരുമാനങ്ങളും ഊഹാ പോഹങ്ങളും ഒക്കെ മടക്കി വെച്ച് പിന്നേം .. ആനകളെ നെട്ടിപ്പട്ടോം കെട്ടിച്ചു നിരത്തിലിറക്കുന്നതും ഈ പറയുന്നോരോക്കെ തന്നെയാവും...
    ഒന്നൂല്ലെങ്കിലും നല്ലൊരു കറവപ്പശു കൂടിയല്ലേ KSRTC മൂസാക്കാ ഈ (ആന വണ്ടീന്നാണ് പേരെങ്കിലും )
    അപ്പൊ അങ്ങനൊന്നും ആരും കൊല്ലൂല്ല...
    എന്തൊക്കെയായാലും ഇങ്ങളെ സമ്മയ്ചൂ ട്ടോ .. അല്ല ഇങ്ങള് KSRTCന്റെ കണക്കു പുസ്തകം അടിച്ചു മാറ്റിയോ.. :D
    സംഗതി കിടിലം .. ഒരു ബല്ല്യെ ഷേക്ക്‌ഹാന്‍ഡ്‌ :)

    മറുപടിഇല്ലാതാക്കൂ
  44. വേണ്ട വിധത്തില്‍ ഈ പ്രസ്ഥാനം നിലനിര്‍ത്താന്‍ തലപ്പത്തുള്ളവര്‍ വിജാരിച്ചാല്‍ മാത്രമേ സാധിക്കൂ ,,അതിനു അങ്ങിനെയുള്ളവരെ അവിടെയിരുത്താന്‍ ആര്‍ക്കാണ് താല്‍പര്യം അല്ലെ ?? നന്നായി പറഞ്ഞു .

    മറുപടിഇല്ലാതാക്കൂ
  45. എന്നെ തല്ലണ്ട അമ്മാവാ ! ഞാൻ നന്നാവൂല. ലേഖനം കൊള്ളാം.

    മറുപടിഇല്ലാതാക്കൂ
  46. ആനവണ്ടിയെ കട്ടപ്പുറത്ത് ആക്കാന്‍ എന്തൊരു തിടുക്കം ന്ടംമ്മേ..:)
    നല്ല ലേഖനം കൊമ്ബാ..

    മറുപടിഇല്ലാതാക്കൂ
  47. നഷ്ടത്തിലോടുന്ന ചില സര്‍വീസുകള്‍ നിലനില്‍ക്കേണ്ടതുണ്ട് . അത് പൂര്‍ണമായ സ്വകാര്യവല്‍ക്കരണത്തില്‍ സാധ്യമല്ല . ചീമപ്പന്നികളെ ചൂണ്ടിക്കാണിച്ച ലേഖനത്തിന് നന്ദി .

    മറുപടിഇല്ലാതാക്കൂ
  48. മുന്‍ ഗണനാ ക്രമത്തില്‍ തയ്യാറാക്കുക
    << KSRTC നശിപ്പിക്കുന്നവരുടെ ലിസ്റ്റ് >>
    രാഷ്ട്രീയക്കാര്‍
    മേല്‍ ജീവനക്കാര്‍
    കീഴ് ജീവനക്കാര്‍
    യാത്രക്കാര്‍
    പ്രൈവറ്റ് ബസ്‌ മുതലാളിമാര്‍
    << KSRTC നഷ്ടം വരുത്തുന്ന ഘടകങ്ങള്‍ >>
    സ്പയര്‍ പാര്‍ട്ട് വാങ്ങല്‍ അഴിമതി
    ശമ്പളം
    പെന്‍ഷന്‍
    മറ്റു ആനുകൂല്യങ്ങള്‍
    ലാഭകരമല്ലാത്ത റൂട്ടുകള്‍

    മറുപടിഇല്ലാതാക്കൂ
  49. പാണ്ടാരോ പാടിയ " ഇതാ പോകുന്നേ .. നാരി ഇതാ പോകുന്നേ.. എന്ന ഒപ്പന പാട്ടിന്‍റെ ഈണത്തില്‍ ഉള്ളൊരു പാട്ടാണ് മുഴങ്ങുന്നത്.


    എല്ലാര്‍ക്കും അങ്ങനെ ഒക്കെ തന്നെയാണ് കൊമ്പന്‍സെ, പക്ഷെ എന്ത് ചെയ്യാം പോതുജനത്തിന്റെതായുള്ള എല്ലാം തെരഞ്ഞു പിടിച്ചു ഓരോന്നായി പൂട്ടിക്കെട്ടാനും ബാക്കിയുള്ളവ വിറ്റുതുലക്കാനും ആണല്ലോ നമ്മള്‍ ഗവണ്മെന്റിനെ തെരഞ്ഞെടുക്കുന്നത് എന്നാ സത്യം വൈകിയാണെങ്കിലും മനസിലാക്കാതെ തരമില്ലല്ലോ...

    എങ്ങിനെ നോക്കിയാലും ലാഭത്തില്‍ ഓടേണ്ട KSRTC പിന്നെയും നഷ്ടത്തില്‍ തന്നെ.

    മറുപടിഇല്ലാതാക്കൂ
  50. എക്സ്പെർട്ട് ഒപിനിയൻ..കൺഗ്രാറ്റ്സ്..

    മറുപടിഇല്ലാതാക്കൂ
  51. കയറി ഇരിക്കുമ്പോള്‍ ഞമ്മക്ക് പെട്ടെന്ന് എത്തണം അതിനു പ്രൈവറ്റ് ബസ്‌ ശരണം ! അല്ലാത്തപ്പോ റോഡരികില്‍ നിന്ന് ഞമ്മള്‍ തള്ളക്ക് വിളിക്കാന്‍ ആന വണ്ടിയും ...
    ഏറ്റവും നല്ലത് ഓരോ ആന ബണ്ടിയും തൊഴിലില്ലാത്ത ഓരോ ചെറുപ്പക്കാര്‍ക്ക് നടത്താന്‍ നല്‍ക്കുക ..ഒരു നിക്ഷിത സംഖ്യകള്‍ സര്കാരിലേക്ക് അടച്ച ശേഷം ...ആഹ് യെവടെ നടക്കാന്‍ ..ഇവിടെ ഒന്നും നടക്കില്ല !! ഹും

    മറുപടിഇല്ലാതാക്കൂ
  52. ഗതാഗത സംവിധാനം കൂടി സ്വകാര്യ മേഖലക്ക് തീറെഴുതിക്കൊടുക്കാനുള്ള കുത്സിത ശ്രമത്തിന്റെ ഒരു ഭാഗമാണ് ഇതും. ആനവണ്ടിയുടെ സൈറ്റിലെ വിവരം അനുസരിച്ച് അവര്‍ക്ക് ഒരു കിലോമീറ്ററില്‍ നിന്നും കിട്ടുന്ന വരുമാനം 30.73 രൂപയും ഒരു ബസിന്റെ ശരാശരി വരുമാനം 9989 രൂപയും ആണ്. ഇന്ധനക്ഷമത 6 കിലോമീറ്റര്‍ (കൂടുതലോ കുറവോ എന്നറിയില്ല) പ്രതി ലിറ്റര്‍ ആണെങ്കില്‍ ഒരു കിലോമീറ്ററിന് വരുന്ന ഇന്ധനച്ചിലവ് 10 രൂപയും അത്ര തന്നെ മറ്റു ചിലവുകളും കണക്കാക്കിയാല്‍ കൂടി മൂന്നിലൊന്നു ലാഭമാണ്. ഇതെല്ലാം എവിടെപ്പോയ് മറയുന്നു??

    മറുപടിഇല്ലാതാക്കൂ
  53. ആനവണ്ടി നിലനിര്‍ത്താന്‍ നമ്മക്ക് എല്ലാര്ക്കും കൂടി ഇരുന്നു
    പടച്ചോനോട്‌ ദുആ ചെയ്യാം ..
    പിന്നെ വഴിപാടും ഒരു പുഷ്പാഞ്ജലിയും
    അല്ല പിന്നെ ...

    congrtz compaa... well said

    മറുപടിഇല്ലാതാക്കൂ
  54. കൊള്ളാലോ ഇക്കാ ആനവണ്ടിയില്‍ വിരിഞ്ഞ ഈ നര്‍മ്മ പുഷ്പം എനിക്കിഷ്ടായി .ആധികാരികമായ്‌ പറഞ്ഞത് വിഷയത്തെ കൂടുതല്‍ തുറന്നു കാണിച്ചു .ആശംസകള്‍ ഒപ്പം ഒരു ആനവണ്ടി നിറയെ സ്നേഹാശംസകളും നേരുന്നു ഈ കുഞ്ഞുമയില്‍പീലി

    മറുപടിഇല്ലാതാക്കൂ
  55. ആഹ്‌..കൊള്ളാലൊ കൊമ്പനാ..
    ഇച്ചിരി ഗൗരവം കലർന്ന വമ്പത്തരങ്ങൾ വായിക്കുമ്പോൾ തൃപ്തി തോന്നുന്നൂ..

    ചോപ്പ്‌ ഡ്രസ്സിട്ട മണവാട്ടികൾ അണി നിരന്ന് സ്റ്റാൻഡിൽ നിൽക്കുന്നത്‌ കാണാനും നല്ല ചേലാ ട്ടൊ..
    നാട്ടിൽ പോയാൽ ഈ ഒരു യാത്ര ഒഴിവാക്കാറുമില്ലാ..
    നന്ദി ട്ടൊ..ഇഷ്ടായി..!

    മറുപടിഇല്ലാതാക്കൂ
  56. സംഭവം എന്തൊക്കെയായാലും " ഇതാ പോകുന്നേ .. നാരി ഇതാ പോകുന്നേ.'' എന്നപോലെയുള്ള ആന ബസ്സിന്റെ ആ പോക്ക് കാണാന്‍ വല്ലാത്തൊരു ചന്തം തന്നെയാണോ..

    മറുപടിഇല്ലാതാക്കൂ
  57. സര്‍ക്കാറിന്റെ ആയതുകൊണ്ട് എല്ലാം സേവന മേഖലയാണ്, ലാഭം പ്രതീക്ഷിക്കരുത് എന്ന് പല യൂണിയന്‍കാരും പ്രസംഗിക്കുന്നത് കേട്ടിട്ടുണ്ട്. കെ.എസ്.ഇ.ബി യുടെ അവസ്ഥയും മറിച്ചല്ല. ഇതൊക്കെ സ്വകാര്യ പങ്കാളിത്തമുള്ള കമ്പനി യാക്കിയാല്‍ കാണാം ലാഭം ഉണ്ടാ ഇല്ലയോ എന്ന്. അപ്പോള്‍ ഉദ്യോഗസ്ഥര്‍ മര്യാദക്ക് പണിയെടുക്കണം. ഓഫീസുകളില്‍ പഞ്ചിംഗ് വരും. അതിനൊന്നും മിനക്കെടാതെ കൊടിപിടിച്ച് സ്വന്തം തടി സംരക്ഷിക്കാന്‍ നോക്കുന്നവര്‍ക്ക് എന്ത് ആവശ്യം നാട് നന്നാക്കി ആന ബസ്സ്‌ ലാഭത്തില്‍ ഓടിച്ചിട്ട്‌?

    മറുപടിഇല്ലാതാക്കൂ
  58. വണ്ടി മാത്രമല്ല മൂസക്ക സര്‍ക്കാര്‍ സംരംഭത്തിലുള്ള പല സ്ഥാപനങ്ങളുടെയും സ്ഥിതി ഇങ്ങനെയൊക്കെയാണ്. ലാഭത്തിലാക്കാന്‍ ആര്‍ക്കും താല്പര്യമില്ല. എല്ലായിടത്തും അവരോടു മത്സരിക്കുന്ന സ്വകാര്യ ലോബിയുടെ കയ്യാളുകള്‍ ആകുകയാണ് ഉദ്യോഗസ്ഥര്‍ , അവര്‍ക്കെന്തു നഷ്ടം എന്നാണ് ചിന്ത ( സ്വകാര്യ ലാഭങ്ങള്‍ ഏറെയുണ്ട് ) ഈ ചിന്താഗതി മാറാത്തിടത്തോളം ഒരു സര്‍ക്കാര്‍ സ്ഥാപനവും പച്ച പിടിക്കില്ല. ഹാസ്യാത്മകമായി അവതരിപ്പിച്ചെങ്കിലും വളരെ മൂല്യവത്തായ ഒരു പോസ്റ്റ്‌. വായിക്കുമ്പോള്‍ ആനവണ്ടിയുടെ മേലാളന്മാരോട് പുച്ഛം തോന്നുന്നു
    (എന്റെ ഐഡി ഇവിടെ വര്‍ക്ക്‌ ആകുന്നില്ല - നിസാരന്‍ )

    മറുപടിഇല്ലാതാക്കൂ
  59. ഏതായാലും കൊമ്പന്‍ കുറെ കുത്തി മറിഞ്ഞ ഫീല്‍ഡല്ലേ...
    അതിന്‍റെ എരിവും പുളിയും നന്നായി കലക്കിയിട്ടുണ്ട്

    വിഷയം നന്നായി

    മറുപടിഇല്ലാതാക്കൂ
  60. വളരെ നല്ല പോസ്റ്റ്‌ .. അഭിനന്ദനങ്ങള്‍ പ്രിയപ്പെട്ട റൂം പങ്കാളി കൊമ്പന്‍

    മറുപടിഇല്ലാതാക്കൂ
  61. പുതുനാരി ഇതാ വരുന്നേ എന്നാണ് ആനവണ്ടിയെക്കുറിച്ച് പ്രാര്‍ത്ഥിക്കേണ്ടത്. (പ്രൈവറ്റ് ബസ്സ്‌ എന്ന് പറയുന്ന സുന്ദര പങ്കില ശകടം ഇരു വാതായനങ്ങളും തുറന്നു വെച്ച് കട്ടനും അടിച്ചു തൊണ്ട പൊട്ടി ആളെ വിളിച്ചു സല്‍ക്കരിക്കുമ്പോഴും. ഒരുത്തനും കയറാന്‍ താല്‍പര്യം കാണിക്കാതെ നേരെ പോകുന്നത് തൊട്ടടുത്ത് എണ്ണ തപ്പില്‍ കളറും വാരിതേച്ചു നാല് ചക്രവും ഫിറ്റ് ചെയ്ത് പള്ളപുറത്ത് രണ്ടാനേടെ പടവും വെച്ച ആന വണ്ടിയിലേക്ക് ഇടിച്ചു കയറുമ്പോള്‍) അതെന്ത് കൊണ്ടാവും ആനവണ്ടിയെ ആളുകള്‍ ഇഷ്ട്ടപ്പെടുന്നതെന്നും ചിന്തിക്കേണ്ടേ?.പ്രൈവറ്റ് ബസില്‍ കയറി പഞ്ചറാകാതെ ശരീരഭാഗങ്ങളെ കാത്ത് സൂക്ഷിക്കുക എന്നത് കഠിനപ്രയത്നമാണ്. നേരത്തും കാലത്തും എത്തണമെങ്കില്‍ കെ.എസ്. ആര്‍.ടി.സി. ആണ് അഭികാമ്യം. ഒരു വലിയശതമാനം ആളുകളുടെ തൊഴില്‍ മേഖല കൂടിയാണ് കെ.എസ്.ആര്‍.ട്.സി..ഇത് കട്ടപ്പുറത്തായാല്‍ പ്രൈവറ്റ് ബസ് തനിനിറം കൂട്ടും. ലേഖനത്തിലെ നര്‍മ്മം വളരെ ഇഷ്ട്ടപ്പെട്ടു.

    മറുപടിഇല്ലാതാക്കൂ
  62. പണ്ടൊക്കെ കാലിയായി ഒന്നിന് പിറകെ ഒന്നായി പോവുന്ന KSRTC വണ്ടികള്‍ കണ്ടിട്ടുണ്ട്. രണ്ടാള്‍ കൈ കാണിച്ചാല്‍ കൂടെ നിര്‍ത്താതെ അവരങ്ങ് പോകും. ഇന്ന് സ്ഥിതി അതല്ല. സകല മുക്കിലും മൂലയിലും നിര്‍ത്തി ആളെ കയറ്റി പ്രൈവറ്റ്‌ ബസ്സുകളെപ്പോലും അതിശയിപ്പിച്ചു കൊണ്ടുള്ള കളക്ഷനില്‍ ആണ് അവരുടെ ഓട്ടം. അതിജീവനം വലിയൊരു ചോദ്യ ചിന്ഹമായി തലയ്ക്കു മുകളില്‍ തൂങ്ങുന്നത് ജീവനക്കാര്‍ ശരിക്കും മനസ്സിലാക്കിയിരിക്കുന്നു. എന്നിട്ടും എല്ലാ വര്‍ഷത്തിലും നഷ്ട്ടങ്ങളുടെ കണക്കുകള്‍ നിരത്തുന്ന ഈ കോര്‍പ്പറേഷന്റെ കാര്യമോര്‍ത്ത് അത്ഭുതം തോന്നുന്നു. കൊമ്പന്‍ നിരത്തിയ കണക്കുകള്‍ വെച്ച് നോക്കുമ്പോഴും വന്‍ ലാഭം ഉണ്ടാക്കെണ്ടതാണ് ഇവര്‍.

    അപ്പോള്‍ കള്ളന്‍ കപ്പലില്‍ തന്നെ എന്നാണോ അതോ ബാപ്പ പത്തായത്തില്‍ പോലും ഇല്ല എന്നാണോ പറയേണ്ടതെന്ന കന്ഫൂഷനില്‍ ആണ് ഞാന്‍.
    ഏതായാലും വെള്ളാനകളുടെ ഈ വിഹാരകേന്ദ്രം ഈ രീതിയില്‍ തന്നെ പര്യവസാനിക്കും എന്നത് ഓരോ കേരളീയനും മുന്‍കൂട്ടി കണക്ക് കൂട്ടിയതാണ്.

    നന്നായി പറഞ്ഞ പോസ്റ്റ്‌ കൊമ്പാ...

    മറുപടിഇല്ലാതാക്കൂ
  63. നന്നായിട്ടുണ്ട്. കണക്കും കാര്യവും

    മറുപടിഇല്ലാതാക്കൂ
  64. സന്ദര്‍ഭോചിതമായ പോസ്റ്റ്‌ - നന്നായി കൊമ്പാ.

    മറുപടിഇല്ലാതാക്കൂ
  65. 'ആനവണ്ടി'-മുമ്പ് കേള്‍ക്കുമ്പോള്‍ പേടിയായിരുന്നു.മൂപ്പരെയത്ര 'ഗമ'യും ഗരിമയും ഉള്ളവ എന്റെയൊന്നും കുട്ടിക്കാലത്ത് കാണാന്‍ പറ്റിയിരുന്നില്ല.'കാലിയാക്കി' ഓടുന്ന ഈ ആനവണ്ടി കൈകാണിച്ചാലും നിര്‍ത്തില്ല.ഏതായാലും ഇപ്പോള്‍ ഈ 'കുതിരയാന'ത്തിനു വന്നുപെട്ട ദുര്യോഗം കടുത്തതാണ്.എല്ലാം ഇനി 'പ്രിവറ്റി'ലേക്ക് മാറി മറിയുകയല്ലേ ...?!

    മറുപടിഇല്ലാതാക്കൂ
  66. ഞാന്‍ ഗതാഗത വകുപ്പ് മന്ത്രിയായാല്‍ ചാര്‍ജ് എടുത്ത ഉടനെ ആദ്യം ചെയ്യുന്നത് ഈ ഡിപ്പോകളിലെ ചീമ പന്നികളെയൊക്കെ ഉലക്കയ്‌ക്കടിച്ചു ശരിപെടുത്തുകയായിരിക്കും ,സഹായിക്കാന്‍ വിളിക്കാം വരണേ ! വളരെ നല്ല പോസ്റ്റ്‌ ,പലപ്പോഴും ഇതേക്കുറിച്ച് ആലോചിച്ചിട്ടുണ്ട് , ആശംസകള്‍ !

    മറുപടിഇല്ലാതാക്കൂ
  67. പ്രിയപ്പെട്ട മൂസാക്ക,

    സുപ്രഭാതം !

    സമകാലീനം,കണക്കും കാര്യങ്ങളും !

    ആശംസകള്‍ !

    സസ്നേഹം,

    അനു

    മറുപടിഇല്ലാതാക്കൂ
  68. ചില കണക്കുകളില്‍ വിയോചിപ്പ് ഉണ്ട്, പക്ഷെ ആന വണ്ടി നിറുത്തുന്ന കാര്യം ആലോചിക്കാന്‍ വയ്യ. കൊല്ലത് നിന്നും ഏറണാകുളത്ത് വരന്‍ ആന വണ്ടി തന്നെ ശരണം.

    മറുപടിഇല്ലാതാക്കൂ
  69. ആന വണ്ടി കണക്കും കാര്യവും , ഹാസ്യാത്മകമായി പറഞ്ഞു , കൊമ്പന്റെ കൊമ്പു ആന വണ്ടിയെ ഓര്‍മ്മയിലാക്കിയ ചീമ പന്നികള്‍ക്ക് നേരെ .

    മറുപടിഇല്ലാതാക്കൂ
  70. കൊമ്പന്റെ അനുഭവത്തിൽ നിന്നുള്ള ഈ എഴുത്ത് രസകരമായി... പക്ഷെ പ്രവറ്റ് ബസ്സുകൾ തമ്മിലുള്ള തർക്കങ്ങളും ചീത്തവിളികളും, അതുപോലെ തന്നെ വിദ്യാർത്ഥികളോടുള്ള ബസ് ജീവനക്കാരുടെ പെരുമാറ്റവുമൊക്കെയാണു എനിക്ക് പ്രൈവറ്റ് ബസ്സിനോടു ഇഷ്ടക്കുറവിനു കാരണം,,,,

    രസകരമായി എഴുതി... ആനവണ്ടി നഷ്ടത്തിലാവാൻ കാരണം രാഷ്ടീയവും പിന്നെ കൊമ്പൻ പറഞ്ഞ് ആ ഉദ്യോഗസ്ഥരും ആണേന്ന കാര്യത്തിൽ സംശയമില്ല....
    ആശംസകൾ

    മറുപടിഇല്ലാതാക്കൂ
  71. അന്ത്യകൂദാശക്ക് അവസാനം വന്നത് ഞാന്‍ ആണെന്ന് തോന്നുന്നു... കൊമ്പന്‍ മൂസ്സാക്കാ എഴുത്തില്‍ വമ്പന്‍ ആകുന്നുണ്ട് കേട്ടോ ... അഭിനന്ദനങ്ങള്‍ സുഹൃത്തേ..!

    മറുപടിഇല്ലാതാക്കൂ
  72. കട്ടു മുടിക്കാൻ ചില കള്ളപന്നികൾ..
    ഇപ്പോ പൂട്ടുമെന്ന്..ഇനിയെന്തൊക്കെ പൂട്ടാൻ കിടക്കുന്നു..

    മറുപടിഇല്ലാതാക്കൂ
  73. സത്യത്തിൽ ഞാനൊരു കേയെസ്സാർട്ടീസി ഫാനാ!

    ഇപ്പോ ജോലി ചെയ്യുന്നവരേക്കാൾ ആളുകൽക്ക് പെൻഷൻ കൊടുക്കേണ്ടി വരുന്നു എന്നതാണ് കെ.എസ്.ആർ.റ്റ്.സി.യുടെ പ്രധാന വെല്ലുവിളി. അതു കൊടുക്കാതിരിക്കാൻ കഴിയുമോ? പ്രൈവറ്റ് വണ്ടിക്കാരന് അതെപ്പറ്റി വേവലാതി വേണ്ട!

    സർക്കാർ വണ്ടിയിലെ ഡ്രൈവർക്കും, കണ്ട്രാവിക്കും ഒക്കെ കൊടുക്കുന്ന ശമ്പളം പ്രവറ്റിനേക്കാൾ വളരെ കൂടുതലാണ്.

    ഡീസൽ സ്വകാര്യ പമ്പിൽ നിന്നടിച്ചാൽ 50 രൂപയ്ക്കു കിട്ടും. പക്ഷെ അതിനുള്ള കാശ് കയ്യിൽ നിന്നു മുടക്കാനില്ല. കിട്ടുന്ന വരുമാനം ശമ്പളവും പെൻഷനും മറ്റും കൊടുത്ത് തീരും!

    പതിറ്റാണ്ടുകളായി കുമിഞ്ഞു കൂടിവന്ന നഷ്ടം കാരണം ഒരു ദിവസം ആനവണ്ടികൾ ഓടിയില്ലെങ്കിൽ അന്നു കമ്പനിക്ക് ലാഭമാ!!

    ഈ കഴിഞ്ഞ ദ്വിദിന ഹർത്താൽ മൂലം അവരു കുറച്ചു ലാഭമുണ്ടാക്കിയതായി വാർത്ത കണ്ടു!

    ഇതാണ് ശരിക്കും വെള്ളാന!

    പണി എടുപ്പിക്കാനും കൊള്ളില്ല; പോറ്റാൻ പെരുത്തു പണം മുടക്കുകയും വേണം!

    ഇങ്ങനെയൊക്കെയാണെങ്കിലും എനിക്ക് കേയെസ്സാർട്ടീസിയാ ഇഷ്ടം. സുഖയാത്ര!

    (ഇതിനെ എങ്ങനെ രക്ഷപെടുത്താം എന്നതിനെക്കുറിച്ചുള്ള വ്യക്തമായ രേഖകൾ എന്റെ കയ്യിലുണ്ട്. വീട്ടിൽ വന്നാൽ കാണിച്ചുതരാം!)

    മറുപടിഇല്ലാതാക്കൂ
  74. Nannayitund moosa....

    Nammude Kunjakkante Varthanam kettalum ayal engane enkilum idonn pooti kitiyal madiyayirunnu enn chindhikkukayanenn thonunnu....

    engane enkilum onn nilaninn kittiyal madiyayirunnu....

    Lekhanam nannyitund

    All the Best wishes..

    മറുപടിഇല്ലാതാക്കൂ
  75. ente naattil, ennu paranjaal njaan jeevicha sthalangalil (Kozhikkodum pinne Ernakulathum) aadyam ellaarum ishtappetuka private bus thanneyaa. ippo vruthiyum vedippumaayi thane thurakkunna vaathilumokkeyaayi kuttappan aayi varunna KSRTC yeyum ishtappettu thudangiyathaa.. appozhekkum de poyi.
    enthu cheyyaana.
    Vellaanakalude katha enthu parayaanaa...?
    nalla lekhanam

    മറുപടിഇല്ലാതാക്കൂ
  76. ഞങ്ങടെ നാട്ടിൽ ആനവണ്ടീ മാത്രമേയുള്ളൂ..പ്രൈവറ്റ് ബസ്സില്ലാ.....കൊമ്പന്റെ വരവ് ചിലവ് കണക്ക് ശരിതന്നെയാ........ ആനവണ്ടിക്കാർ തന്നെയാ അതിനെ തുലക്കുന്നത്.........

    മറുപടിഇല്ലാതാക്കൂ
  77. കണ്ണ്‌ തുറപ്പിക്കുന്ന സത്യങ്ങള്‍.

    അഴിമതിയും കെടുകാര്യസ്ഥതയും കൊടുകുത്തി വാഴുമ്പോള്‍ ആനയോളം ആകാരത്തില്‍ ലാഭം നേടിത്തരുന്നവയ്ക്ക്പോലും അടിതെറ്റിപ്പോകുന്നതില്‍ അല്‍ഭുതമില്ല. എയറിന്ത്യ അഖിലേന്ത്യാടിസ്ഥാനത്തില്‍ അതിനു മകുടോദാഹരണമാണല്ലോ.

    ഹാസ്യാത്മകമായ വിഷയാവതരണം നന്നായി.

    മറുപടിഇല്ലാതാക്കൂ
  78. വൈകിയാണ് ഈ പോസ്റ്റ്‌ വായിക്കുന്നത്, കൊമ്പന്‍ എന്നോട് ക്ഷമിക്കട്ടെ
    മനോഹരമായി അവതരിപ്പിച്ചിരിക്കുന്നു, പൂര്‍വാശ്രമത്തില്‍ പൂണ്ടു വിളയാടിയ മേഖല ആയതിനാല്‍ കണക്കുകളില്‍ സംശയമില്ല. ഞാനും പത്തു ആള്‍ക്കാരോട് ഈ കണക്കു പറയാം,
    അക്ഷരത്തെറ്റുകള്‍ ശ്രദ്ധിക്കണം

    പൊതു മേഘലാ -- പൊതുമേഖല
    വെക്തമായി -- വ്യക്തമായി
    തൊഴിലാളികളുടെ വേദനം -- തൊഴിലാളികളുടെ വേതനം
    ഇച്ചാശക്തി -- ഇച്ഛാശക്തി

    ഓര്‍മ്മയില്‍ നിന്നാണ് ,,,,, ഇനിയും ഉണ്ടെന്നു തോന്നുന്നു
    ക്ഷമിക്കുക.... അടുത്ത പ്രാവശ്യം ശ്രദ്ധിക്കുമല്ലോ

    മറുപടിഇല്ലാതാക്കൂ

LinkWithin

Related Posts Plugin for WordPress, Blogger...